فريدة سيف النصر ترد على شائعات حضورها حفل دير جيست حافية القدمين.. تفاصيل

حرصت الفنانة فريدة سيف النصر الرد على شائعات حضورها حفل دير جيست حافية القدمين، وذلك من خلال منشور عبر حسابها الشخصي على موقع التواصل الاجتماعي فيسبوك.

رد فريدة سيف النصر على الشائعات

وكتبت فريدة سيف النصر في منشورها الذي يرصده موقع تحيا مصر: والله زهقت ليه مركزين معايا اوي وبالكذب، علشان كده مابحبش احضر احتفالات، اخر اشاعه اني حضرت المهرجان حافيه من غير جزمه لامؤاخذه ايه العبط ده، أنا مابرضاش اتكلم، لكن لما كل المواقع تكتب كده لأنهم بينقلوا من بعض، طيب انا ونازله من باب السياره الكعب اتكسر ازاي ماحدش يسألني إتعودت خلاص عالعيون الحلوه، فا بقيت رجل عاليه ورجل واطيه، وربنا يخللي سمير فقيه الصحفي الكبير استقبلني ومسك كتر خيره ومشي بيا كنت هاروح والله.

فريدة سيف النصر: أهم حاجة عندي حب جمهوري

وتابعت فريدة سيف النصر: فضلت متحملة وانا مروحة قلعتها لاني هقع بسبب الكعب معرفش أنهم سايبين الناس كلها بفساتينهم وبيصوروا رجلي مراقبين حتي انفاسي مع الأسف، بجد اهم حاجه عندي حب جمهوري انتم بقي لحساب مين اعملوا مابدالكم زهقت،أما الميك اب فاانا اصلا حتي شغلي مابحطش إلا روج مابحبش الفوند تان خالص، وشعري طبعا معمول بس لاماه أنا ماما يا جماعة

واختتمت: بصوا بقي كفايه رأي جمهوري هما بيحبوا طبيعتي وبساطتي، وفعلا من تواضع لله رفعه، واظن واضح، وعلي فكره أنا باالبس المناسب لسني ومكانته والحمدلله عجبكم وقولتم شيك انما من غير جزمه ده هبل ،عيب بقي ارحمونا، وبكل اللي بيحصل ده انا تريند على طول يااولادي حافيه بقي منكوشة اهو الحب من الله موتوا.

فريدة سيف النصر: نور النبوي كاريزما زي أبوه.. وبوسي شلبي أختي الصغيرة

بعد انضمام فيفي عبده للعتاولة 2.. فريدة سيف النصر: دمها خفيف وهتعمل روح مختلفة

أخر أعمال فريدة سيف النصر

ومن الجدير بالذكر أن أخر أعمال فريدة سيف النصر مسلسل العتاولة الذي تم عرضه عبر شاشات التلفزيون المختلفة في الموسم الرمضاني الماضي، وكانت تدور أحداثه في إطار من التشويق والإثارة، يتبع العمل قصة الشقيقان (خضر) و(نصار)، واللذان يعملا في مجال النصب والجريمة، مما يضعهما في العديد من العقبات والمخاطر.

وشارك في بطولة المسلسل عدد كبير من النجوم والنجمات، منهم: أحمد السقا، طارق لطفي، باسم سمرة، زينة، مي كساب، هدى الاتربي، فريدة سيف النصر، وغيرهم، والمسلسل من تأليف هشام هلال، وإخراج أحمد خالد موسى.