رامي صبري: عملت بوتكس مرتين وأي حد يتمنى يشتغل في السعودية

كشف الفنان رامي صبري عن رأيه في عمليات التجميل التي أصبحت موضة بين كبار النجوم الرجال في الوسط الفني، مشيرا إلى أنه لم يرى رجلا من النجوم قام بعملية تجميل لذا لن يقول رأيه في هذا الأمر أيضا كل شخص ولديه حرية شخصية ويفعل ما يرده.

رامي صبري: قالوا عني نافخ شفايفي ومراتي خلتني أعمل بوتكس  

وقال رامي صبري في تصريحات تليفزيونية رصدها موقع تحيا مصر: قالوا عني نافخ شفايفي وده مش حقيقي احنا العيلة كلها عندنا شفايفها كدة، بس انا عملت بوتيكس مرتين وده بسبب مراتي لأن كان بيطلعلي تجاعيد بسبب الشمس عشان انا بحب الشمس جدا وبقف فيها كتير فقالتلي اعمل الحاجات دي عشان متبانش في وشي.

وتابع رامي صبري حديثه عن عمليات التجميل، قائلا: أنا أي حاجة هتخلني أحسن هعملها، بس مش لدرجة إني اعمل تجميل يعني وكلام من ده واللي بيعمل ده هو حر اكيد، وخايف من تقدم العمر جدا عشان كدة دايما بلعب رياضة.

رامي صبري: أي فنان يتمنى يشتغل في السعودية 

وتحدث رامي صبري عن حفلات السعودية، قائلا: حفلات السعودية مش صغيرة واي فنان يتمنى يشارك فيها وواحد صحبي أجل فرحه بسبب اني كان عندي حفلة هناك، وأنا بتشرف جدا بوجودي هناك وهما بيهتموا فيها بالفن المصري جدا.

وأشاد بالمستشار تركي آل الشيخ، قائلا: المستشار تركي آل الشيخ أخونا وحبيبنا وبنحترمه ونقدره زي ما هو بيقدر الفن جدا.

رامي صبري وعلاقته بشيرين عبد الوهاب 

وتطرق رامي صبري بحديثه عن شيرين عبد الوهاب، فقال: شيرين اختي ومهما عملت معايا مبزعلش منها وروحتلها في أزمتها وهي وأحمد سعد عشرة سنين حياتي، وشيرين هترجع تاني واقوى من الاول في خلال شهرين بالكتير وهنعمل انا وهي مفاجآت مع بعض.

وأكد رامي صبري في تصريحاتها: مش عايزة ولادي يكونوا فنانين الفن متعب جدا ومحتاج شخصية فولاذية وبتستحمل الحروب والمشاكل.

رامي صبري: مينفعش نوقف شغل عشان جاري بيتخانق مع جاره.. واللي بيعمل كدة بيكون محرج مش أكتر

رامي صبري وسبب بعده عن شركات الإنتاج 

وقال رامي صبري عن سبب بعده عن شركات الإنتاج، قائلا: صدفني الحظ إني اشتغلت مع كل الشركات الإنتاجية وفي وقت جه حسيت إني مش قادر اتعامل بسيستم شركات الإنتاج وهو أنك بتقف في الطابور مهما كان حجمك وقوتك التسويقية عاملة ازاي ونجوميتك انت مضطر تستنى حد جديد.. وده حصل كتير معايا.

وأضاف في حديثه: أكيد أنا من التوب 5 في مصر اللي هما معروفين عمرو دياب وتامر حسني وحماقي ورامي صبري ومأعتقدش في تاني وده بالأرقام مش برأيي أنا.