ربنا يهونها عليه.. دعم كبير من مطربي المهرجانات لـ عصام صاصا بعد الحكم بحبسه

حرص عدد كبير من مطربي المهرجانات على دعم المغني عصام صاصا، بعد الحكم بحبسه لمدة 6 أشهر بتهمة تعاطي المخدرات، وذلك من خلال حساباتهم الشخصية على مواقع التواصل الاجتماعي المختلفة.

دعم مطربي المهرجانات لـ عصام صاصا

حيث كتب مؤدي المهرجانات عنبة عبر حسابه الشخصي على موقع تبادل الصور والفيديوهات إنستجرام في منشور رصده موقع تحيا مصر: حزين حزن الدنيا عليك يا أخويا ربنا يهونها عليك.. ياه على الدنيا، الناس نسيت أن عصام صاصا فرحهم كتير مع أول غلطة وغصب عنه باعوه، محلتيش غير الدعاء ليك يا أخويا وفي ضهرك على طول.

بينما علق مسلم على قضية عصام صاصا، وكتب: مشفتكش غير مرة واحدة ومكنتش أعرف حب الناس ده كله ليك، وأكيد اللي ربنا يوقف ليه الناس دي كلها أكيد ربنا بيحبه، ربنا يرجعك لبيتك وأهلك سالم يا حبيبي وربنا يصبر أهل المتوفي.

حمو بيكا وحسن شاكوش يدعمان عصام صاصا

فيما دعم حمو بيكا عصام صاصا في أزمته، وكتب في منشور له: ربنا يفكها عليك يا رب أجدع خلق الله، ربنا يهونها عليك يا أبو رحيم.

وعلق حسن شاكوش ايضا وكتب: ربنا يهونها عليك يا حبيبي، اللي بيحبه يدعي له هو طيب وابن حلال، ربنا يرجعه لأهله وابنه بالسلامة يا رب.

عاجل| الحكم بحبس عصام صاصا 6 أشهر بتهمة تعاطي المخدرات.. والتصالح في تهمة الدهس

والنبي روحوه معايا.. انهيار زوجة عصام صاصا في جلسة محاكمته

عصام صاصا يوضح تفاصيل واقعة الدهس

وكان قد حرص المغني عصام صاصا على توضيح واقعة دهسه لأحد الأفراد على الطريق الدائري، وذلك من خلال منشور عبر حسابه الشخصي على موقع التواصل الاجتماعي فيسبوك.

ونشر عصام صاصا مقطع فيديو في منشوره الذي يرصده موقع تحيا مصر، قال فيه: أنا دلوقتي نازل بلدي وممكن يكون هذا الفيديو أخر فيديو ليا، وعاوز أتكلم معاكم في حاجات مهمة، ممكن تجرى لي حاجة، وممكن أتاخد في المطار، أنا عاوز أفهم الناس ايه اللي حصل معي بالظبط علشان الناس مش فاهمة حاجة، أنا كنت راجع من شغلي رايح أجيب ابني أعمله عقيقة أفرح بيه، وأنا راجع في نص الدائري بالظبط ماسك نص الطريق، هو الله يرحمه ويحسن إليه أنا مخبطتوش من على الرصيف زي ما الناس بتقول والخبطة كانت على الشمال مش من اليمين.