هلا رشدي عن فترة اكتئابها: كنت بخبط دماغي في الحيطة.. وبقول لربنا خدني عندك

تحدثت الفنانة هلا رشدي عن تفاصيل فترة اكتئابها، وذلك من خلال لقاء لها في أحد برامج البودكاست.

تصريحات هلا رشدي عن فترة اكتئابها

وقالت هلا رشدي في تصريحاتها التي يرصدها موقع تحيا مصر: جالي اكتئاب في 2019 وروحت لدكتور نفسي وشخصني، والدنيا اسودت في وشي إني معدتش بفرح وعملت حاجات غلط عشان أكون كويسة، وكنت بخبط دماغي في الحيطة وبقول لربنا أنت سايبني ليه خدني عندك، وزوجي لم يتخلّ عني وصبر عليا صبر أيوب.

وتابعت هلا رشدي: كلمت ربنا وقولتله أنا آسفة إني مش صح ومش قادرة أعبدك ولما بقرأ قرآن بحس بحاجز كبير.. طلعني يا رب من اللي أنا فيه.. وقعدت فترة مش بصلي خالص وكنت بقرأ الورد بس.. ويوم عيد ميلادي الـ 33 قولت لنفسي دا عمر أهل الجنة.. وروحت صليت وقولتله هحاول أكون معاك يا رب قويني.

هلا رشدي: أنا مش عايزة حد ياخد برأيي ولكن أنا مش بستحرم الموسيقى خالص

وسبق وأن خرجت الفنانة هلا رشدي، للرد على سؤال إحدى متابعيها حول عدم وضعها للموسيقى في الفيديوهات الخاصة بها بسبب حرمانيتها.

وقالت هلا رشدي في تصريحات يرصدها تحيا مصر، عبر خاصية ستوري على حسابها الرسمي بموقع تبادل الصور والفيديوهات القصيرة إنستجرام: أنا مش عايزة حد ياخد برأيي ولكن أنا مش بستحرم الموسيقى خالص، المزيكا حلوة من غير كلام، والكلام الحلو بيحفز الواحد، ممكن نسمع أغنية عن سيدنا النبي صلى الله عليه وسلم، بنحس إننا طايرين وعايزين نروح الحرم، وأنا مش بستحرم الموسيقى بصراحة وإن شاء الله ميكونش عليا ذنب.

اليوم.. هلا رشدي تستعد لحفل جديد بالنادي الأهلي

هلا رشدي بعد مرضها: أهلي واصحابي بيتنمروا عليا

وكانت قد وجهت الفنانة هلا رشدي رسالة لجمهورها ومتابعيها عبر حسابها الرسمي بموقع تبادل الصور والفيديوهات انستجرام، وذلك بعد تعرضها لـ الاصابة بنتوءات على الأحبال الصوتية.

وقالت هلا رشدي عبرموقع انستجرام: لتوضيح البوست اللي فات: أنا إستراحه طويلة حبتين من الغنا إلى تمام الشفاء إن شاء الله.. شُغل نتوءات على الأحبال الصوتيه و حركات مطربين نص كم كده، اه صحيح .. والنبي لما نتقابل في حته و أسلم عليكوا من غير صوت ما تهمسوش وانتوا بتردوا عليا أو تحركوا شفايفكوا اتكلموا عادي أنا بسمع والله.