صباح تمنت الارتباط به وتزوج أكثر من 5 مرات.. لقطات من حياة كمال الشناوي في ذكرى رحيله

تحل اليوم الخميس الموافق 22 من شهر أغسطس الجاري ذكرى وفاة الدنجوان كمال الشناوي، صاحب التاريخ الفني الحافل بأنجح وأقوى الأعمال السينمائية، وبمناسبة حلول ذكرى وفاته اليوم سيرصد موقع تحيا مصر في هذا التقرير أبرز اللقطات في حياته الشخصية بعيدا عن الفن والأضواء.

عدد زيجاب كمال الشناوي

تحدث عمر الشناوي، حفيد كمال الشناوي، عن علاقته بجده وعدد زيجاته، وذلك في أحد اللقاءات التلفزيونية، فقال عمر الشناوي: الفرق بينا كبير بس احنا كنا أصدقاء بطريقة غير طبيعية، كان بيحكيلي على كل حاجة، وكنت بسافر أنا وهو لوحدنا وكنت أقرب حفيد ليه، وأنا صغير مكانش فيه تواصل بيني وبينه عشان مكانش بيحب الأطفال وكنا بنخاف منه، كان شخصية قوية وبيبقى قاعد ليه هيبة، بس أول ما عديت سن الـ 12، ابتديت أكون قريب ليه جدا، وهو اتجوز أكتر من 5 مرات، وجدتي كانت الزوجة التالتة.

حقيقة زواج كمال الشناوي وشادية

كما كشف الناقد الفني طارق الشناوي عن حقيقة زواج كمال الشناوي وشادية، وقال في لقاء تلفزيوني سابق له: كل نجم بيكون ليه ثنائي، ولكن مدام شادية كان ليها 3 ثنائيات عماد حمدي، كمال الشناوي، وصلاح، وكل واحد له مذاق، ودي النجمة الوحيدة في تاريخ السينما اللي عملت 3 ثنائيات بنفس القوة، وكمال الشناوي تزوج شقيقتها عفاف، ودي مسألة غريبة جدا، والناس كانوا فاكرين أنه متجوز من شادية لأنهم عاشوا الحالة اللي شافوها على الشاشة.

وعن علاقة كمال الشناوي وشقيقة شادية قال إحدى بناته: هما اتجوزوا قبل ما يبتدوا الثنائيات، هما حبوا بعض في فرقة نجيب الريحاني واتجوزوا ومقعدوش فترة طويلة مع بعض.

موعد انتهاء تصوير فيلم ريستارت بطولة تامر حسني

حسن شاكوش: في مطار تونس بيحسسوني أني مسجل خطر.. وفيلم الغربان كان بتاعي

إعجاب صباح بـ كمال الشناوي

ومن جانبها، كشفت الشحرورة صباح عن إعجابها بـ كمال الشناوي سرا، فقالت خلال حلولها ضيفة على برنامج ساعة صفا مع الإعلامية صفاء أبو السعود: كنت معجبة بيه في السر، وكنت بقول يارب ارتبط بيه، بس بعدين اكتشفت أنه خاطب بنت صبية صغيرة، فقولت خلاص الصغيرة حلوة عشانه بس بحبه لغاية دلوقتي حب محصلش.