حسن شاكوش: في مطار تونس بيحسسوني أني مسجل خطر.. وفيلم الغربان كان بتاعي

أكد مطرب المهرجانات حسن شاكوش على أنه يُعامل معاملة سيئة في مطار تونس، وذلك من خلال بث مباشر عبر حسابه الشخصي على موقع تبادل الصور والفيديوهات إنستجرام.

تصريحات حسن شاكوش الأخيرة

وقال حسن شاكوش في البث المباشر الذي يرصده موقع تحيا مصر: أسوأ معاملة في الدنيا في مطار تونس، بنقعد في المطار 6 ساعات والمفروض منظمين الحفلات يخلصوا الإجراءات دي كلها قبل ما نوصل، كنت آخر مرة أنا والنجم تامر حسني بنحيي فرح في تونس، والناس في المطار مبيضحكوش في وشك ده بيحسسوك أنك عامل جريمة وهتاخد حتة من البلد على كتافك وهتمشي، أنا هقعد في بلدي أحسن لي، بيحسسوني أني مسجل خطر.

حسن شاكوش: فيلم الغربان كان بتاعي قبل عمرو سعد

أما عن فيلم الغربان قال حسن شاكوش: عمرو سعد بيشوفني أنا مصرحتش قبل كده ولا قولت إنك خدت فيلم الغربان مني، مع أن الفيلم كان بتاعي أنا مضيته وكنت بطل الفيلم وصورت فيه وعملت برومو، أنا مضيت مع الشركة وقعدت 3 شهور بتدرب مع حصان وضرب مع مدرب، وسافرنا سيوة وكان معانا الفنانة عائشة بن أحمد، ويشرفني أن عمرو سعد يعمل الفيلم لأنه فعلا مش عايز أي حد يعمله.

حسن شاكوش يرد على شائعات عودته لـ ريم طارق: مفيش رجوع

حسن شاكوش: كنت مرشح لفيلم الغربان.. وندمان على موضوع الجواز

أخر أعمال حسن شاكوش

ومن الجدير بالذكر أن أخر أعمال حسن شاكوش أغنية قطر جيلك من كلمات مصطفى الجن، ألحان منعم، توزيع إسلام ساسو، وإخراج حسام مجدي، وتقول كلماتها: "واحده واحده يا قطر جيلك عارف ان مفيش بديلك انتی اصلا مين يجيلك في الدلع ولا الجمال عادى خليهم يقولو القمر فوق مين يطولو دا البطل لحظة وصولو خطوتو بتعمل زلزال بطل مجاش اللى ينيمو ويقف قصاد سحره ويهزمه كل اللي يتحدوكي سلموا یا نمبر وان ف الجامدين عرشك مجاتش اللى تهدده منك مفيش وبيستوردوا وياعيني بيحاولوا يقلدوا وبردو جمبك مش باينين كلو يصحالو ويفوقلو دا الفرس نازل بتقلو ممكن الملعب يروقلو اصحو وحش الكون حضر"، وقد حقق الفيديو كليب نسب مشاهدة عالية فور طرحه عبر موقع الفيديوهات العالمي يوتيوب.