بولاق الدكرور الجديدة.. النائب محمد الحسيني يناشد الرئيس السيسي لتخصيص أرض بجامعة القاهرة لعمل مدينة "الأحلام".. ويكشف تفاصيل لأول مرة عن "مزاد فيصل والعصابة المفترية"

كشف النائب محمد الحسيني، وكيل أول لجنة الإدارة المحلية بمجلس النواب، تفاصيل واقعة مزاد فيصل  الشهير والعصابة المفترية، قائلا: “مينفعش أعمل طلب إحاطة علشان مدسة ومفيش أرض.. فعملنا حصر لأراضي الإصلاح الزراعي الموجودة، وعملنا طلب إحاطة لوزير الزراعة الأسبق وقالي ملكش ولا متر.. وطلعت الورق إننا لينا 27 ألف فدان”.

تفاصيل مزاد فيصل والعصابة المفترية

وأضاف، خلال استضافته بندوة تحيا مصر برئاسة تحرير الكاتب الصحفي عمرو الديب، ويقدمها الزميل محمود فايد، مدير التحرير،: “العصابة المفترية كانت عبارةعن  6 فدادين إصلاح زراعية واضع يدهم عليها.. وعملنا طلب إحاطة وبعدها فوجئنا إن الوزير طارحها لمزاد.. لكن اتلغى المزاد وأخذنا موافقة وزير الداخلية اللواء محمود توفيق، وعملنا أكبر مجمع شرطي في مصر وعملنا قسم شرطة ثان لبولاق الدكرور فيه كل الخدمات و2000 متر للتأمينات والمعاشات ومدرسة دولية حكومية 7200 متر، ووحدة محلية جديدة 2000 متر ومكتب بريد 2000 متر، يتبقى 2500 متر، بعمل تواصل مع وزير العدل لعمل محكمة أو ممكن نضيف مدرسة جديدة هناك”.

غراقنة من 30 سنة.. النائب محمد الحسيني يفاجئ أهالي مدينة النجوم بقرار هام

استجواب بـ 2 مليار جنيه.. النائب محمد الحسيني يزف بشرى لأهالي بولاق الدكرور: دخول أكبر مستشفى في مصر الخدمة العام المقبل

دخلت البرلمان معايا دبلوم ودلوقتي بحضر الماجستير.. النائب محمد الحسيني يتحدث لـ تحيا مصر عن سر اهتمامه بالتعليم

السيسي وضع بولاق الدكرور على الخريطة.. النائب محمد الحسيني يكشف عن طفرة تعليمية هائلة بالحي.. وتفاصيل بناء 20 مدرسة

وتابع: “لما الحكومة ساعدتني ووقفت معايا ولغوا المزاد، هيتم عليها خدمات جليلة وخلال 4 شهور هتنور بالخدمات والمشروعات.. هذه الاستجابة لنائب شعبي يعطيني أمل أن هناك قيادات واعية وعلى مدار 9 سنين خدنا مكاسب عديدة وهناخد تاني”، مردفًا: “الآن شوفنا نفحة إيجابية في ظل ظروف صعبة، وقارني بأيحي في مصر، لو في أي حد خد الخدمات دي”.

مدينة بولاق الدكرور الجديدة

وكشف عن طلبه عمل مدينة بولاق الدكرور الجديدة، قائلا: "طلبت من محافظ الجيزة السابق، وقولتله عايزين نعمل "بولاق الدكرور الجديدة" فابتسم.. قولتله: أرض كلية الزراعة جامعة القاهرة 200 فدان مش مستفيد بيها حاجه.. ناخدهاو نعملها مدينة.. وده أمل وطموح وبولاق الدكرور محتاجه تتنقل نقلة زي مدن جديد لوضع العنصر البشري في بيئة محترمة.. لذلك من خلال تحيا مصر أنادي بإعادة النظر في الأرض..".

وأوضح: “دي كانت الملكة فاططمة عملها وقف لجامعة القاهرة، وتم بناء مدينة المبعوثين عليها ثم مباني مدينة العميين جامعةالقاهرة.. طب ليه حاصرلي بولاق الدكرور.. يطلع حد يوقلي الخضرة ومش الخضرة؟.. احنا قاعدين في شوارع 2 متر.. وعايزين مدينة برؤية وإحلال وبعدها نعمل إحلال وتجديد للمكان اللي فيه واللي مش هنسيبه.. ومن حقنا نعيش حياة كريمة.. وآخد خدمات صحية تعليمية رياضية ترفيهية.. أنا في منطق استراتيجية لو تم إعادة النظر فيها يعود بالنفع على الدولة كلها”

واستطرد: "كمان بناشد وزير التضامن د. مايا مرسي: عندي 12 فدان خاصة بدور التربية "الأحداث" عليها ملاعب .. في المقابل عايزين في حي بولاق ادلكرور نادي اجتماعي وأول نادي شعبي يحمل اسم رئيس الجمهوري كهدية.. احنا بنعمل على القهاوي وبنعتبرها مركز شباب.. وراضيين علشان ظروف الدولة.. لكن عايزنها تبقا على الخريطة صح"