غرقانة من 30 سنة.. النائب محمد الحسيني يفاجئ أهالي مدينة النجوم بقرار هام

رد النائب محمد الحسيني، وكيل أول لجنة الإدارة المحلية بمجلس النواب، على سؤال بشأن قدرته على الخدمات التي يقدمها لأهالي بولاق الدكرور.

وقال “الحسيني”، خلال استضافته بندوة تحيا مصر برئاسة تحرير الكاتب الصحفي عمرو الديب، ويقدمها الزميل محمود فايد، مدير التحرير: “علشان نكون منصفين، أنا راجل معنديش مكتب ورافض ده ولا حد بيكتبلي ولا عندي أدمن، أنا عايز أكون فاهم وأتعلم ولام أقابل مسؤول يكون عندي رؤية للحل مش بنظر عليه”.

غراقنة من 30 سنة.. النائب محمد الحسيني يفاجئ أهالي مدينة النجوم بقرار هام

وأضاف: “انا قافل شغلي الخاص.. بشتغل عضو مجلس نواب بس مش بشتغل حاجة تانية، ومدي مساحة كبيرة جدا.. وبنقل مشاكل أهالي بولاق الدكرور وتقابل بنتائج إيجابية، وده مش معناه إني حلال كل المشاكل لكن بقدرنا إننا نتحط على الخريطة والدولة شافتنا”.

وذكر: “أثر ده إن رئيس الوزراء جاء لينا 3 مرات، وجه أيضًا الفريق كامل الوزير علشان يعمل كوبري مشاة خلال شهر ويمر معايا.. ده يكمني إني شغال فيإطار منضبط وأن هناك اتهمام بالمناطق الشعبية وأقدم لها خدمات.. لذلك أشكر الوزير على اهتمامه ببولاق الدكرور”.

استجواب بـ 2 مليار جنيه.. النائب محمد الحسيني يزف بشرى لأهالي بولاق الدكرور: دخول أكبر مستشفى في مصر الخدمة العام المقبل

دخلت البرلمان معايا دبلوم ودلوقتي بحضر الماجستير.. النائب محمد الحسيني يتحدث لـ تحيا مصر عن سر اهتمامه بالتعليم

وتابع: “بنزل الشارع وألف وأشوف، وكان عندنا مشكلة في رفع كفاءة الطرق الداخلية والرئيسية وحصلنا على دعم إضافي بخلاف الخطط الاستثمارية، واستطعنا نعمل طفرة في البنية التحتية ومشورعات الصرف الصحي ومياه الشرب.. فكرة إننا نتعامل مع المسؤول ونضعه في إطار منضبط هي ده الهدف.. علشان كده واخدين كل الخدمات دي من غير ما نضيع وقت”.

الحسيني:  خلصنا كل الإجراءات الخاصة داخل مدينة النجوم

وأردف: “في هذا الإطار.. خلصنا كل الإجراءات الخاصة داخل مدينة النجوم اللي غرقانة بقالها 30 سنة، وخلال أسبوع او 10 أيام هنشتغل في خطوط الحدار، ولغينا فكرة محطة لارفع اللي الفمروض تتعمل، لأنه مينفعش أعمل محطة رفع داخل كتل سكنية. ورجعنا نعمل خطوط انحدار بالتنسيق مع الحكومة.. لأننا مش عارفين نبلط ولا نرفع كفاءة أي طريق بدون البنية التحتية.. حقكوا علينا احنا اتأخرنا لكن كنا محتاجين اعتمادات مالية كبيرة جدا ونجحنا في الحصول عليها”.

واستطرد “فيما يخص مياه الشرب والصرف الصحي، محتاجدين إعادة النظر في كميات ضخ المياه، وهذا نداء أوجهه من خلال تحيا مصر.. رغم إن هناك انفراجة كويسة حصلت في العديد من المناطق”.