شهد سعيد: عيني تعباني ومش بنام بسبب تصريحات جنة عليوة| فيديو
ADVERTISEMENT
قالت شهد سعيد لاعبة الدراجات، أنها تعاني في الفترة الحالية بسبب تصريحات جنة عليوة لاعبة الدراجات، والتي قد تتسبب في إبعادها عن المشاركة في أولمبياد باريس 2024 القادمة بعد أيام قليلة، ويستعرض موقع تحيا مصر التفاصيل.
أزمة شهد سعيد وجنة عليوة
وأضافت شهد سعيد في بث مباشر لموقع تحيا مصر، مش بشوف بعيني على فترات وبحس بصداع شديد بسبب ما حدث من جنة عليوة، ومش فاهمة هي لي بتعمل كدا.
وأكملت شهد سعيد، أنا خايفة ومرعوبة ومش عاوزة القرار يكون ضدي ومش عارفة أي اللي هيجصل، ومفيش حد هيحس باللي حصل، واتعرضت لضغط كبير، وجنة عليوة بتقول هروح أحصل على المركز الأخير، بقولها لي مش تتمني ليا الخير زي ما أنا بتمنى ليكي الخير، والناس سمعت من طرف واحد وهما معذورين لأنهم مش عارفين قوانين الدراجات، ولما بطل العالم عمل كدا وعمل نفس وقعتي ودفع غرامة وقتها وبس.
وواصلت شهد سعيد، لو حصلت على المركز الأخير في أولمبياد باريس هعوض في أولمبياد 2028 ومفيش حد حاسس باللي أنا بمر بيه، ونفسيتي تحت الصفر وبعد القرار مش عارفة أي اللي هيصحل وراضية بقضاء ربنا وربنا معايا، ومش عارفة لو تم استبعادي من الأولمبياد مش عارفة هيوصل لفين وهعمل أي وبفكر في كل حاجة سيئة.
حديث والد اللاعبة شهد سعيد
وقال والد شهد سعيد: “ابنتي ستشارك في أولمبياد باريس إن شاء الله، وما حدث هو أنها اختل توازنها خلال سباق الجمهورية للدراجات، واصطدمت بزميلتها جنة عليوه، وربنا يشفي كل مريض يارب”.
وتابع: “شهد إنسانة بسيطة، هي أحبت سباق الدراجات، ولم أمنعها من ذلك، طالما أنها تمتلك الموهبة، وهي لم تتعمد إيذاء جنة عليوه، ولم تؤذي أي شخص طوال حياتها، وقمت بتربية أبنائي على الأدب والاحترام، وربنا موجود”.
وأكمل: “كل إنسان معرض للخطأ، ربنا دايما مع المظلومين، جنة هي صديقة ابنتي، ولن تقوم شهد بتعمد إصابتها لأي سبب من الأسباب، ولعبوا كثير في مرات سابقة في البطولات سويا، ولا يوجد أي خلاف بينهما".
جوجل نيوز
تطبيق نبض
