مريم تطلب الخلع من زوجها: مصور خيانته ليا مع بنات صغيرة

مريم زوجة ثلاثينية وقفت أمام محكمة الأسرة في مصر الجديدة بسبب مشكلاتها مع زوجها حيث قررت بأن زوجها شخص ناجح في حياته العملية والزوجية إلا أنه خائن وعلاقاته متعددة في الخفاء، حيث اكتشفت علاقاته المتعددة بالصدفة وحضرت إلى محكمة الأسرة طالبة الخلع منه.

زوجة سفاح التجمع الخامس: حاول يقتلني واتهمني بالزنـ ـا وبعدها اتحول لوحش

القصة الكاملة للعثور على جثة فتاة عارية داخل شقة بالقاهرة

مأساة في الهرم.. عاطل يجرد طفلا من ملابسه داخل جراج مسكنه

أم وولادها.. القصة الكاملة لحادث ميكروباص طريق العروبة في مصر الجديدة

زوجة تطلب الخلع من زوجها بسبب الخيانة

وقالت مريم عن زوجها، «اتجوزت من حوالي 4 سنين، وجوزي أتقدم لأسرتي عن طريق عمي ووالدي وافق ساعتها، واتخطبت فترة 3 شهور بس لأن كل حاجة كانت جاهزة، وعملت فرح كبير جدا وكنت فرحانة بزوجي أنه إنسان ناجح في حياته وكويس ومحترم».

وتابعت مريم عن قصتها مع زوجها لـ موقع تحيا مصر «بعد الجواز مفيش حاجات كتير اتغيرت والشخصية دي كانت زي ماهي محترم جدا، لكن مكنتش اعرف أنه وراه مصيبة وأنه بيلعب بديله من ورايا والإنسان المحترم الناجح ده حياته كلها علاقات مش كويس».

مريم تطلب الخلع: كان محترم واللي شوفته في الفيديوهات حد تاني

وأضافت مريم «في يوم من الأيام زوجي نزل وأنا كنت قاعدة زهقانة وفتحت اللاب توب بالصدفة وقعدت اقلب فيه كتير، وساعتها ملقتش حاجة بس سيبته وقعدت والأيام مشيت عادي لحد ما جيت في يوم مسكت اللاب توب عادي أدور على حاجة اتفرج عليها».

وأكملت مريم عن قصتها مع زوجها «ساعتها بس شوفت كل حاجة وبالصدفة لقيت فولدر مكتوب عليه برامج ودوست على غلط أصلا، ولما فتح لقيت صورة ليه جوا وفضلت أدور وشوفت صور وفيديوهات ليه مع بنات كلها تحت الـ 15 سنة، وكانت فيهم لقطات مش كويسة».

مريم عن زوجها: قولت له طلقني ولما رفض رفعت عليه خلع

واستكملت مريم «ده طبعا بالإضافة لأن الفيديوهات كان فيها حاجات بدون ملابس وقرف منه وأنا قفلت اللاب من الصدمة ودخلت الأوضة لميت هدومي ومشيت من البيت، وبالليل لقيته بيتصل بيا مردتش عليه، كلم والدتي قالت له هي هنا ومش عارفين في أيه، ولقيته جاي بالليل وقعد مع بابا».

واختتمت مريم «خرجت قعدت معاه وبابا قالي هسيبكم شوية، وبعدها قالي قي أيه مقولتليش ليه أنك هنا هو أنا هرفض، قولت له على كل حاجة واللي أنا شوفته قالي بس ده كان زمان وأنا اتجوزت وبطلت، قولت له انت بتكدب ومش زمان وأنا شوفت كل حاجة، واتخانقت معاه وقولت له طلقني قالي لا ومشي، روحت رفعت عليه قضية خلع».