مأساة زوج: مراتي بتسمع كلام أبوها أكتر مني ولو قالها مش راجل تقوله عندك حق

" مراتي أبوها شخصيته قوية ومتحكم فيها من صغرها لدرجة أنه خرب بيتنا وكان فرحان " بتلك الكلمات روي زوج لتحيا مصر داخل محكمة الأسرة عن زوجته ضعيفة الشخصية والتي تخضع لتحكمات والدها بالرغم من أنها أصبحت امرأة متزوجة وزوجها هو من له عليها الحق حتي وصل الأمر بها أن تطلب الطلاق لترضي والدها وتعود للعيش معه .

مأساة زوجة: بتعاكس قدام جوزي من الشباب وبيقولي ليهم حق أنتي اللي حلوة

زوجة داخل المحكمة : حماتي فضحتني عشان عرفت أني كنت بحب واحد قبل ما أتجوز أبنها

فضلت سنين بتحايل علي حمايا يجوزني بنته 

بدأ الزوج حديثه لتحيا مصر :" أنا ومراتي متجوزين من 3 سنين وفضلت قبلهم 5 سنين من لما كانت مراتي لسة بتدرس وأنا بتحايل علي أبويا يجوزهالي ومكنش راضي وبيقولي أنت سمعتك سبقاك ومحيلتكش حاجة وكل ده مكنش حقيقي وكانت أسباب تقنع بنته بس أنها مترضاش بيا وتتجوزني  لحد ما كبرت ووصلت سن لـ25 وأنا فضلت مستنيها وبسبب أبوها كانت بترفض كل العرسان لحد ما مبقاش يتقدملها حد والناس بدأت تتكلم عليها هنا أنا أستغليت الفرصة دي وروحت أتقدملها وفي المرة دي أبوها وافق عليا وأتجوزنا ".

بيخاف زي العيال الصغيرة.. زوجة: جوزي ضعيف الشخصية وأنا بتصدر له في الخناقات

مفهمني أنه مدير شركة وطلع بيقدم للموظفين المشاريب.. مأساة زوجة مع زوجها

كانت بتسمع كلام أبوها أكتر مني 

وتابع الحديث :" مراتي بعد الجواز كنت مش مصدق أني قدرت أوصلها وكنت مستني أن هي كمان تبادلني مفس الشعور لكن اللي حصل أني كنت عايش مع واحدة ضعيفة الشخصية قدام أبوها جدا وهو اللي بيتحكم فيها من صغرها وحتي بعد ما بقيت ست متجوزة هو اللي ممشيها لدرجة أنه لو قالها تروح تبات عنده بالأيام وتسيبني كانت تسمع كلامه ولو قالها نفسي في سمك وهو تبقي مواعداني قبلها أنها هتعمل فراخ الاقيها بتعمل سمك زي ما أبوها قالها وفي مرة كنت أواجهها وأقولها " أنا جوزك ومباخدش منك ربع الأهتمام للي بتديه لأبوكي " الاقيها بتقولي " اللي ملوش خير في أهله ملوش خير في حد ومتقارنش نفسك بيه عشان هو في حتة تانية عندي ".

زوج لـ تحيا مصر: مراتي بتحكي للعيال قصص جن وعفاريت وبتقولي أنا كدة بربيهم

ماساة زوج.. مراتي بتتهم أمي أنها بتضربها وهي ست طيبة وعمرها ما مدت أيديها علي حد

سخنها عليا وخلاني أطلقها وأنا مليش ذنب 

وأختتم الحديث :" فضلت 3 سنين عايش علي الوضع ده وساكت لحد ما حصل اللي خرب بيتي وخسرني مراتي اللي ضيعت من عمري 8 سنين عشانها جه العيد علينا وحمايا كان عايز مراتي تروح تقضي العيد معاه لكن أنا أجبرتها في المرة دي أنها تقضيه مع أهلي أنا عشان هما كمان ليهم حق علينا وفي الاخر كلامي أنا اللي مشي وعدا العيد وبعد مرور حوالي شهر لقيت مراتي راجعة من زيارتها لأبوها وهي بتطلب الطلاق وبتلم هدومها ومنهارة ولما سألتها " أية اللي حصل وأية الل قلبك عليا كدة ؟" قالتلي أن أبوها قالها أني بخونها وماشي مع واحدة تانية وبصرف عليها كل فلوسي وأني مش راجل ومستاهلش أنها تعيش معايا " وبالفعل وبالرغم من كل  محاولاتي فضل هو ورانا لحد ما خلاني أطلقها عند المأذون وخلاها ترفع عليا كمان دعوي زيادة نفقة بالرغم من أني سيبتلها الشقة وبصرف عليها أول بأول لكن هو خرب بيتي وأرتاح حسبي الله ونعم الوكيل فيه وعوضي عند ربنا في السنين اللي ضيعتها عليهم ".