بيخاف زي العيال الصغيرة.. زوجة: جوزي ضعيف الشخصية وأنا بتصدر له في الخناقات

" مبقيتش أحس أنه راجلي ولا عارفة أحس معاه بالأمان " بتلك الكلمات روت زوجة لتحيا مصر من داخل محكمة الأسرة عن زوجها ضعيف الشخصية والذي يسبب لها سخرية أمام جميع أصدقائها وأسرتها حتي قررت الأنفصال عنه رسميا برفع عليه دعوي خلع بمحكمة الأسرة.

دمرتيني وكرهتي العيال فيا.. مدرس الفيوم ينهي حياته على الهواء بسبب زوجته

إحالة متهم للمفتي في قضية خلية مصر الجديدة

بيعمل مشاكل وييجي يقولي جيبيلي حقي

بدأت الزوجة حديثها لتحيا مصر :" جوزي مكنش لاقي شغل وأنا بفلوس أهلي أشتريتله توك توك يشتغل عليه وكان كل يوم يرجع عامل حادثة بالتوك توك ويبقي خابط ناس وعربيات كبيرة لحد ما في مرة حد خدوا علي القسم ووقتها أتصل بيا وقالي " أنا في القسم و في ناس هما اللي خبطوني وتعالي جيبيلي حقي منهم  " وبالفعل أروح أنا اللي الحقه وأطلعه من هناك لحد ما كسر التوك توك خالص وضيع كل الفلوس اللي أتدفعت فيه وأنا اللي روحت صلحتهوله عشان هو مكنش عارف يتصرف وكان خايف من أبويا أحسن يضربه لما يعرف وده كان العادي أنه كان بيخاف من أي حد كبير أو صغير ".

طول الوقت بيحكي لأمه أنه مسيطر في البيت ومش حارمنا من حاجة

وتابعت الزوجة :" في مرة كنت نايمة في الأوضة أنا وبنتي وسمعته بره بيكلم أمه اللي عايشة في محافظة تانية وبيحكيلها أنه مسيطر علينا في البيت وبنسمع كلامه  دايما  ومش حارمنا ولا مخلي نفسنا في حاجة عشان هو اللي بيشقي ويصرف علينا وعلي البيت سمعت الكلام ده وفضلت أضحك ولما طلعت من الأوضة وشافني خاف وقفل السكة معاها بسرعة ومن هنا اتأكدت أني أرجل منه وأن غلطة عمري أني أتجوزته ".

مفهمني أنه مدير شركة وطلع بيقدم للموظفين المشاريب.. مأساة زوجة مع زوجها

مأساة زوج.. قفشت مراتي مع جوز أمها المتوفية وقالتلي ده بيعتدي عليا

المدرس بتاع بنتي ضربها وخاف يروح يدافع عنها 

وأختتمت حديثها :" بنتي في الأعدادية وكانت بتلعب مرة مع زمايلها وعورت بنت بالغلط راح المدرس ضربها بالمسطرة علي أيديها عشان يعاقبها رجعت البنت منهارة وبتعيط وقالتلنا أنه أتعملها أستدعاء ولي أمر وطبعا جوزي أول ما عرف قالي " روحي أنتي معاها عشان ورايا شغل وبعدين المدرس ده شكله شراني وممكن يضربني أنا كمان وهنا كنت خلاص قررت أنفصل عنه وأرفع عليه دعوي خلع عشان أخلص وأرتاح منه أنا من حقي أعيش مع راجل أحس معاه بالأمان وأتحامي فيه مش راجل يحسسني أني متجوزة عيل صغير وأنا اللي بقوم بدوره في كل حاجة ".