مأساة زوج.. قفشت مراتي مع جوز أمها المتوفية وقالتلي ده بيعتدي عليا

" شوفت مراتي بعيني وهي مع جوز أمها علي السرير ومن ساعتها وأنا بفكر في إنهاء حياتي.. بتلك الكلمات روي زوج لـ تحيا مصر عن خيانة زوجته مع زوج والدتها المتوفية وإنكارها لما حدث بكل جحود لتسرع هي وترفع عليه دعوى خلع بالمحكمة وتتهمه بأنه يعاني من أوهام وهلاوس أرهقتها من العيش معه لكي لا يفتضح أمرها  .

النائب العام يحيل قاتلة والدتها في بورسعيد إلى الجنايات وشريكها إلى محكمة الطفل

أبشع جرائم 2022.. إعترافات قاتلة أمها في بورسعيد: طلبت نطق الشهادة دلقت عليها الماء المغلي

مراتي أبوها ميت وجوز أمها راجل خمورجي 

بدأ الزوج حديثه لتحيا مصر :" أنا ومراتي متجوزين من 5 سنين وأمها كانت أرملة وأتجوزت بعد وفاة جوزها راجل خمورجي وكان مضيعها ومضيع حياتها وأنا كنت بحاول أحمي مراتي منه بأي شكل وكنت أحيانا بمنعها تروح لوالدتها بسببه لأنه كان بيضرب وبيزعق وبيتحرش بالبنت اللي تعجبه وتيجي في سكته وكنت بحس أن عينه من مراتي لأن مراتي صغيرة في السن  وحلوة ومهتمة بنفسها لكن كنت بحاول أكدب نفسي وأحميها منه علي قد ما أقدر ".

بعد ما حماتي ماتت كانت أصعب فترة في حياتنا 

وتابع الزوج حديثه :" أم مراتي أتوفت من سنة ويوم ما جالنا خبر وفاتها كان يوم صعب جدا علي مراتي لأنها كدة خسرت أبوها وأمها فضلت تبكي بالأيام ودخلت في حالة اكتئاب صعبة لكن الغريب أن جوز أمها مكنش باين عليه أي تأثير وده يدل أنه كان راجل معندوش دم ولا أحساس مرت سنة ومراتي حالها أتحسن وتأقلمت علي الوضع لكن في الفترة الأخيرة حصل اللي كسر قلبيى وخلاني بفكر في إنهاء حياتي في كل لحظة وفي كل دقيقة ".

قفشت مراتي مع جوز أمها وراحت هي اللي تخلعني 

وأختتم الزوج حديثه :" في مرة كنت راجع من الشغل بدري 3 ساعات ودخلت الشقة ملقيتش عيالي الأتنين ولقيت أوضة نومي أنا ومراتي مقفولة بالباب أفتكرتها نايمة أو جوا ومعاها واحدة صاحبتها لكن لما دخلت لقيتها نايمة مع جوز أمها ولما شافوني أترعبوا هما الأتنين كنت هقتلهم في أيدي ولولا أنه خرج وهرب كان هيبقي زمانه دلوقتي ميت لكن هي مسكتها وأديتها علقة موت لحد ما روحها كانت هتطلع في أيدي طردتها في الشارع بلبسها و خدت عيالي و فضلت أسبوع مش قادر أرفع عليها دعاوي وقولت أنا اللي هأدبها بنفسي بعيد عن المحاكم والفضيحة اللي هتبوظ شكلي وسمعتي لكن اتفاجأت بعد اسبوع أن هي اللي رافعة عليا دعوي خلع في المحكمة ومتهماني قصاد الناس أني بشوف تهيؤات وأوهام وبضربها وبعذبها وطبعا عملت كدة عشان تداري علي عملتها لكن أنا مش هسكت ولا هسيب حقي ومش هرتاح غير لما أقهرها وأكسرها زي ما كسرتني ".