بسبب باسوورد موبايل .. زوج: مراتي خيرتني بين كلمة السر أو الخلع والفضيحة

" مراتي متسلطة عليا جدا ولما غيرت في مرة باسوورد تليفوني بيتي أتخرب " بتلك الكلمات روي زوج لتحيا  مصر من داخل محكمة الأسرة عن زوجته التي تتحكم فيه ليلا ونهارا ولا يهدأ الشك في قلبها حتي وصل بها الأمر أن ترفع عليه دعوي خلع بالمحكمة لرفضه إعطائها " باسوورد " هاتفه . 

مأساة زوجة: بتعاكس قدام جوزي من الشباب وبيقولي ليهم حق أنتي اللي حلوة

زوجة داخل المحكمة : حماتي فضحتني عشان عرفت أني كنت بحب واحد قبل ما أتجوز أبنها

مراتي بتعشقني بس بتشك فيا ليل نهار 

بدأ الزوج حديثه لتحيا مصر :" أنا ومراتي عيشنا قصة حب قبل الجواز أستمرت 3 سنين وبعد كدة أتجوزنا وبقي عندنا طفلين مراتي اتغيرت جدا وطباع كتير فيها ظهرت بعد الجواز زي أنها أيام الخطوبة كانت بتغير عليا بس كان عندها ثقة أني بحبها ومختارها هي لكن بعد الجواز بقيت بتشك فيا ليل نهار وحاسة أني مش مكتفي بيها وبطلت أحبها وأني هخونها وأطلقها عشان واحدة تانية دخلت حياتي زي ما الأفلام والمسلسلات مصورالها ده وأنا بحاول بقدر الأمكان أني أشيل من دماغها لأفكار دي عشان عارف أنها بتعمل كدة عشان بتحبني وده كان السبب الوحيد اللي مصبرني عليها ".

كانت برفقة رجل آخر.. زوج يتهم زوجته بخيانته في القاهرة

زوج لـ تحيا مصر: مراتي بتحكي للعيال قصص جن وعفاريت وبتقولي أنا كدة بربيهم

غيرت باسوورد تليفوني بسبب جنانها 

وتابع الزوج :" مراتي يوميا بتمسك تليفوني تبص فيه وتشوف بكلم مين ومين بيكلمني وفي مرة لقيت رسالة من واحدة زميلتي في الشغل كاتبالي فيها " اتأخرت ليه انهاردة ؟" زميلتي كانت قصدها اتأخرت ليه علي الشغل لكن مراتي من شكها أفتكرت أن في حاجة بيني وبين زميلتي دي وأني بروحلها الشقة وفضلت تبكي وكانت منهارة وبتطلب الطلاب وبالعافية قدرت أصالحها وأثبتلها أني مش بخونها ومعرفش اي واحدة عليها لكن بيني وبين نفسي غيرت باسوورد تليفوني عشان حسيت أنه جايبلنا المشاكل لكن متوقعتش أن رد فعل مراتي لما تعرف هيتسبب في خراب البيت ".

شايفة نفسها علي الفاضي.. مأساة زوج: مراتي مش بتغير عليا زي بقية الستات ولا محسساني برجولتي

ماساة زوج.. مراتي بتتهم أمي أنها بتضربها وهي ست طيبة وعمرها ما مدت أيديها علي حد

خيرتني أعرفها الباسوورد او تخلعني وترتاح مني 

وأختتم الزوج :" مراتي تاني يوم جت تمسك التليفون ولقيت الباسوورد متغير ومش هو هو اللي هي حافظاه جت وسألتني أزاي أغير الباسوورد من غير ما أقولها ؟ وهنا كنت بدأت أحس أن غيرتها أتحولت كمان لتحكم مش بس شك وسوء ظن فتعمدت  أني مقولهاش الباسوورد وأسيبها تفتكر اللي تفتكره حتي لو هتطلب فيها الطلاق لكن هي صدمتني ورد فعلها كانت أصعب بكتير لما لقيتها بتقولي " لو مديتنيش باسوورد الموبايل هروح أخلعك في المحكمة وأفضحك في كل حتة وأقول عليك راجل خاين " أتصدمت من كلامها لكن برضه رجولتي فرضت عليا مطاوعهاش وهي لما لقيتني ثابت علي موقفي سابتلي البيت وبالفعل رفعت عليا دعوي خلع وقالت لأهلها وأهلي أني خونتها وماشي مع واحدة غيرها تصرفاتها خليتني أندم أني أختارتها من البداية وكل اللي حزين عليه هما ولادي لكن هرضي باللي ربنا كاتبهولي المهم أني خلصت وأرتاحت منها ".