نجلاء أمام محكمة الأسرة : جوزي مدمن ترامادول وبينومني في الحمام وبيضربني في مناطق حساسة بسلك الكهرباء

"جوزي أتجوز عليا عرفي بعد فرحنا بـ3شهور وقالي أصلي ضعفت وغلطت معاها وانا سامحته" .. بتلك الكلمات روت نجلاء في بث مباشر لتحيا مصر من امام محكمة الأسرة عن زوجها متعاطي المخدرات وعن حياتها المأساوية معه والتي كان يشوبها الضرب والأهانة و الخيانة حتي قررت خلعه في محكمة الأسرة بزنانيري .

أيمن أمام محكمة الأسرة :مراتي قطعت شرايين أيديها عشان قولتلها ربنا ياخدك

زوج أمام محكمة الأسرة:«أتجوزت أتنين مجانين بيضربوا بعض بالشبشب وطلقتهم في وقت واحد»

دخلت جوزي المصحة عشان يتعالج من الأدمان وكنت أنا اللي بصرف عليه 

بدأت نجلاء حديثها لتحيا مصر :" أنا متجوزة من 15 سنة ولما أتعرفت علي جوزي كنت بحبه وهو كمان كان بيحبني وشاريني بعد الجواز جيبت منه ولد وبنت وهو بدأ في سكة الأدمان وكان الترامادول بنسباله زي السجاير بيشربه كل يوم وكان بيخليه أنسان طبيعي معرفهوش هو كان شغال عنده فرشة بيبيع منها في وسط البلد في المترو بس بعدها تعب وبقي قاعد في البيت وبقيت انا اللي بصرف عليه وأروح أساعد ربات البيوت وأطبخلهم وأجبر أبنه وهو 9 سنين أنه يشتغل وينزل يبيع في المترو والمواصلات وده مكنش عاجبني عشان أنا أبني شكله أجنبي وكنت بخاف عليه من البهدلة والناس ".

أتجوز عليا عرفي بعد فرحنا بـ3 شهور 

وتابعت :" أتفاجأت أن جوزي بعد فرحنا بـ3شهور متجوز واحدة عرفي ولما واجهته قالي دي واحدة أنا غلطت معاها وكتبت عليها ورقتين عرفي عشان أصلح غلطي وانا وقتها قولتله أني مسامحاه واني موافقة كمان يكتب عليها رسمي عشان انا مسيري أبقي أم واللي مرضاهوش علي بنتي مرضاهوش علي الناس لكن هو ساعتها رفض لأنه مكنش عايز يفضح نفسه ويدخل في مسؤوليات كبيرة ".

ضربني بسلك الكهربا عشان السلطة كان ملحها زيادة 

وأختتمت :" في مرة كنت لسة في بداية جوازي وكنت لسة دلوعة ومبعرفش أطبخ أوي وعملتله في يوم سلطة كان ملحها زيادة شوية ومعجبتهوش قام ضاربني بسلك الكهربا ولما حاولت أعدلها مرضيش وفضل يضرب فيا وبس ودايما كان علي أتفه الأسباب يهينني ويضربي زي انه مرة أتخانقنا وكان لسة هيبدأ يضربني روحت جريت من باب الشقة بقميص النوم مع أني منتقبة ونزلت للجيران عشان أستنجد بيهم وهو نزل ورايا ولما مسكني رماني من الدور التاني وجسمي كله أتكسر ده غير أنه كان بينيمني في الحمام بالأيام ويجييب ماية متلجة في عز الشتا ويرميها عليا كل ده وأنا ساكنة ومستحملة عشان خاطر أولادي لحد ما قررت أخلعه وأرتاح منه وكنت أتمني يرجع بيا الوقت وأسمع كلام أهلي لما كنت لسة مخطوبة وكانوا مش مرتاحينله وضربوني وقلعوني الشبكة بس أنا اللي كنت بحبه وعايزاه مشيت ورا كلامهم ومسمعتش لقلبي ومشاعري وقتها ".