زوج أمام محكمة الأسرة:«أتجوزت أتنين مجانين بيضربوا بعض بالشبشب وطلقتهم في وقت واحد»

«كانوا بيتخانقوا علي مين اللي يحضر الغدا وضربوا بعض بالشبشب».. بتلك الكلمات روي زوج لتحيا مصر من أمام محكمة الأسرة عن حياته مع زوجاته الأثنين وكثرة الخلافات بينهم التي نتج عنها نفوري منهم وتطليقهم في وقت واحد .

رحاب تستغيث بـ محكمة الأسرة .. جوزى ولع فيا وأنا نايمة عشان حلم أنى بخونه

«جوزي بيخوني مع ممرضة».. مأساة سيدة من داخل محكمة الأسرة بزنانيري

أتجوزت علي مراتي الأولي وكانت موافقة 

بدأ الزوج حديثه لتحيا مصر:" أنا راجل ملتزم جدا بالدين و بخاف من ربنا ولما لقيت مراتي الأولي ناقصها شوية حاجات قررت أتجوز عليها عشان مبقاش بتنقل طول الوقت بين بيت والتاني وهي كانت موافقة لأنها بتحبني ومش عايزاني أبعد عنها وخصوصا أنا عرفتها أن ده شرع ربنا وأني مش بعمل حاجة حرام وأني هفضل مهتم بيها وبولادي التلاتة منها وأني مش هقصر في حقهم أبدا ".

عيشت زوجاتي الأتنين في بيت واحد وكله بما يرضي الله 

وتابع حديثه :" أتعرفت علي زوجتي التانية من شخص كان مشترك بيننا وعرفنا علي بعض أنا وهي وكانت هادية وجميلة ولما طلبت أيديها للجواز وعرفتها أني هعيشها مع مراتي الأولي كانت موافقة ومرحبة بالفكرة لأنها كانت رافضة فكرة أني أبات معاها أيام وبعدين أسيبها أيام تانية وأبات مع مراتي الأولي ".

مراتي التانية كانت هي أساس المشاكل 

وأستكمل الزوج :" بعد ما عيشتهم مع بعض يدأت تظهر طباعهم ونفسنتهم وغيرتهم من بعض بعد حوالي 3 شهور لأنهم في البداية كانوا مش بيحتكوا ببعض أوي والامور كانت ماشية لكن بعد كدة كان كل يوم لازم تحصل مشكلة وكان لازم أساس المشكلة دي تبقي مراتي التانية لأنها كانت بتغير جدا من مراتي الأولي انها جايبالي 3 أطفال وطبعا الأهتمام بيهم زيادة ومصاريفهم أكتر من مصاريفها هي فكانت دايما تختلق المشاكل معاها وتستفزها وتقولها كلام صعب وجارح زي أنك " لو كنتي مكفية جوزك مكنش أتجوز عليكي " وهكذا "؟

دخلت عليهم لقيتهم بيشدوا في شعر بعض وطلقتهم 

وأختتم الزوج حديثه :" كل الخلافات دي كانت بتعدي بأن مراتي الأولي تسكتلها مرة أنا أصالحهم علي بعض مرة لحد ما في يوم رجعت من الشغل ولقيتهم بيشدوا في شعر بعض وضاربين بعض بالشبشب ولما سألت علي السبب عرفت أنهم كانوا بيتخانقوا علي مين اللي هيحضرلي الغدا أنهاردة روحت رامي عليهم يمين الطلاق هما الأتنين ومرجعهم لبيت أهاليهم ومازلنا ماشيين في أجراءات الطلاق لحد أنهاردة لأني ببساطة راجل بحب أعيش بالي مرتاح وهما كرهوني في الجواز ".