رحاب تستغيث بـ محكمة الأسرة .. جوزى ولع فيا وأنا نايمة عشان حلم أنى بخونه

تقدمت رحاب بدعوى قضائية أمام محكمة الأسرة بشمال الجيزة لطلب الخلع من زوجها بعد أن أكتشفت أنه يعانى من مرض نفسي وهو الشك والتخيلات المريضة وتصديق أحلامه حتى وصل به الحال إلى الضرب بعد العلاقة الزوجية ظنا منه أنها مارست ذلك مع غيره حتى جاء اليوم الذى أشعل بها النيران وهى نائمة لتنقذها العناية الإلهية لتقف داخل محكمة الاسرة لرفع دعوى الخلع مبررة ذلك بقولها " العيشة معه حرام والله العظيم دا مريض نفسي ولازم يتعالج دا جاب الولاعة وولع فى الملاية وأنا نايمة على السرير والحمدلله جريت بمجرد ما حسيت بالنار، واتصدمت لما لقيته واقف يضحك بشكل هيسترى طلعت أجرى زى المجنونة فى الشارع لحد بيت أهلى ." 

تحيا مصر

وقالت الزوجة فى دعوى الخلع بـ محكمة الأسرة :" أنا يتيمة الأب ووالدتى ست طيبة وربتنى أنا وأخواتى، وكان نفسي أشيل عنها الحمل شوية عشان كدا واقفت لما اتقدم ليا هو وخاصة أنه مرتاح ماديا، وأهله كانوا شارينى وبيوافقوا على كل الطلبات حتى الجهاز ساعدونا فيه، ولكن أكتشفت بعد الجواز أنى المساعدة مش لوجه الله، دا هو مريض نفسي ورافض يتعالج وأهله رافضين وعشان يشيلوا الهم عنهم ويرحم أخواته البنات اللى حبسهم فى البيت ساعدوه أنه يتجوز، واتفأجت أنى عايشة مع مريض نفسي فى البيت .

رفع دعوى الخلع 

وتابعت حديثها مع " تحيا مصر" ، كان ديما يضربنى بعد ممارسة العلاقة الحميمة وكان يقول لى " أكيد كنتى بتعملى كدا مع غيري ويتخيل أنى عملت كدا وبعد الضرب فيا يرجع يقول لى متزعليش وكنت أسكت عشان مرجعش لأمى مطلقة، لحد ما فى يوم طلبت منه أن يروح لدكتور رفض وأتجنن عليا، وسكت لكن هو زاد فى جنانه ووصل به الحال أنه هو نايم حلم أنى بخونه قام ولع فى الملاية وأنا نايمة على السرير.

خلع داخل محكمة الأسرة 

وأضافت، " حسيت بسخونة وأنا نومى خفيف قمت لقيت النار لسه بتولع فى السرير وهو واقف يضحك بشكل هيسترى ويبص على النار، وكا أخدش باله منى وأنا بفتح الباب وجريت على والدتى وطلبت الطلاق وحاولوا معايا أرجع لكن رفضت ورفعت دعوى الخلع فى محكمة الأسرة ومازالت الدعوى منظورة أمام القضاء .