زوج بمحكمة الأسرة: ابني بيقولي خطيب أمي أحسن منك ورفع عليا قضية نفقة

«بعد 17 سنة جواز مراتي طلبت الطلاق بالمعروف وأنا وافقت على ذلك ولم أغضب وتركت ليها الشقة ل تعيش فيها مع الأولاد».. بتلك الكلمات بدأ أحمد حديثه لـ تحيا مصر عندما ألتقاه في محكمة الأسرة.

هدى في دعوى خلع: جوزي عاوز يبيع كليته علشان الأستروكس

مريم في قضية خلع: جوزي شكاك وفاكر إني مصاحبه أصحابه

تفاصيل القصة

قال أحمد الـ 36 سنة: "ابنى أول ما استخرج بطاقة رفع عليا قضية نفقة وأنا كنت كل أسبوع ببعت ليهم 500 جنيها، وابنى مرة اتصل بيا وقالي إن خطيب أمه بيعامله أحسن مني فأنا زعلت من الموضوع ده وقعدت أسبوعين مبعتش ليهم أي فلوس علشان كلامه ده".

17 سنة زواج

ويضيف أحمد: "أنا وطليقتي قعدنا 16 سنة مع بعض وهي إتغيرت بعد ما أكملت تعليمها وحصلت على كلية وأنا معي معهد فقط لا أكثر من ذلك، وبعد ذلك فوجئت بها وهى أصبحت تسمع كلام والدتها وإتغيرت معايا بعد ذلك".

خطيب أمي أحسن منك

ويستكمل الزوج: أنا أتفاجئت برد ابني عليا قبل العيد وأنا بكلمه وهو بيقولي إن خطيب أمه أحسن مني وقتها توقفت عن إرسال الفلوس ليهم، أنا كنت في اللحظة عايز أموت ابني في التليفون لما سمعت كده وأنا أكثر من مرة ذهبت لبيت طليقتي، لكى أري أولادي وهى رفضت تخليني أشوف ولادي".

زوجة في دعوى خلع:جوزي ابن أمه ومنعته من ممارسة العلاقة الجنسية معايا

مش بيستحمى وريحته وحشه..زوجة بمحكمة الأسرة: خلعته من أول جلسة

طلبت منها الرجوع بس حيطت شروط تعجيزية

ويتابع الزوج قائلا: "أنا طلبت منها كتير إنها تسامحني ونرجع لبعض تانى ولكن أهلها خلوها تعند وتبقي ضدي، ووضعت شروط لكى ترجع لي وهى أن تكون العصمة في يدها وأكتب لها شقة باسمها و100 ألف جنيه في البنك باسمها، إزاي وأنا والله العظيم كتبت ليها شقة باسمها وأنا حاليا مأجر شقة قانون جديد وبدفع إيجار كل شهر".

قضية نفقة من ابني ضدي

ويكمل الزوج: "أنا فوجئت إنه فيه قضية نفقة مرفوعة ضدى من ابنى، وهو لسه مكمل 16 سنة ورفع عليا قضية نفقة وعمه طلب منه إن يتنازل عن القضية ولكنه رفض وذلك بسبب طليقتي اللى جعلت أولادي يكرهوني ويعملولي بلوكات في موبيلاتهم علشان معرفش أتواصل معاهم خالص".

ويختتم الزوج: أنا بتمني إن قانون الأسرة يتغير ويتبدل بسبب أن القانون يقف بجانب المراة كثيرا، وحتى فكرة انتشار أن القايمة تكون بأيد الرجل ويتم التنازل عن القايمة هو قانون منصف، لإن الرجل يتعرض للظلم وأنا لا أستطيع أفعل شىء".