هدى في دعوى خلع: جوزي عاوز يبيع كليته علشان الأستروكس

«جوزي اتجنن وعايز يبيع كليته علشان يشتري المخدرات ويرضي كيفه».. كلمات أطلقتها هدى في محكمة الأسرة عندما ألتقى بها تحيا مصر لتروي لنا تفاصيل معاناتها مع زوجها.

مريم في قضية خلع: جوزي شكاك وفاكر إني مصاحبه أصحابه

زوجة في محكمة الأسرة: جوز بنتي الأستروكس لحس مخه وعايز يبيع الشقة

تفاصيل القصة

فتقول هدى التى تبلغ من العمر 32 سنة:" أنا أتجوزت وعمري 21 سنة وعندي طفلين، ومتزوجة منذ 12 عاماً وهو يعمل سائق، وزوجي بيتعاطي مخدرات وبيفقد وعيه وده بيخليه يعمل حاجات غير سوية".

وتضيف الزوجة هدى: " تطور الأمر مع زوجي إلى أن فقد وظيفته بسبب الإدمان، وأصبح يعتمد عليا بأن اصرف على البيت، ولم يكتفي بذلك بل رأيته يكلم سيدة أخرى، ولم يكتفي بذلك بل قام بخيانتي مع تلك السيدة".

عاوز يبيع كليته علشان الاستروكس

وتستكمل هدى:" زوجي بجح وأنا روحت محكمة الأسرة وخلعته بسبب أنه تطور به الأمر إنه عاوز يبيع كليته علشان يقدر يشتري الاستروكس، وأنا بتصل بيه وقتها وفوجئت به إنه في المستشفي وعاوز يبيع كليته علشان يشتري مخدرات، وأنا مكنتش أعرف المدمن وصفات المدمن أيه هي، وإزاي الشخص ممكن المخدرات تدمر حياته، جوزي قرر يبيع كليته علشان يقدر يشتري مخدرات، وحتى لم يفكر في تلك الفكرة علشان ولاده، فكر علشان نفسه ومزاجه".

هيبيع ولاده علشان يشتري مخدارات

وتضيف هدى: "أنا منعت جوزي من أنه يبيع كليته، ولكن فكرة أنه فكر في بيع جسمه وممكن يفكر في إنه يبيع أبنائه وده هيشكل خطورة، فغضبت منه على فعلته وذهبت لبيت والدتي وفضلت سنة كاملة وهو لم يسأل عليا".

دعوى خلع

وتوضح هدى:" أنا فعلا اتصدمت من موقف جوزي، وعدم مسئوليته عن بيته وأولاده، وأمى نصحتني بإني أخلعه وأرفع قضية نفقة عليه،وبكده هو هيبدأ يتعظ ويخلي باله من نفسه ويحافظ على صحته علشان يقدر يشتغل ويصرف على نفقة ولاده".

وتنصح هدى : "أنا بتمني من كل بنت قبل ما تفكر تتجوز إنها تسأل على شريك حياتها كويس جدا ولازم يكون متدين وعنده أخلاق، وقبل ما تحبه وتتجوز تفكر إنه هيبقى أبو عيالها، قبل ما يكون جوزها وحبيبها، وتتجوز واحد يستطيع أن يتحمل مسئولية ولا تصبر عليه مثلما صبرت، لإنه لن يتغير".