زوجة في محكمة الأسرة: جوز بنتي الأستروكس لحس مخه وعايز يبيع الشقة

«أنا ست كبيرة وماصدقت أنى جوزت بنتي وسترتها وفرحت بأولادها، لكن المخدرات لحست دماغ جوزها وطردها من الشقة» .. بتلك الكلمات  بدأت تغريد السيدة العجوز رواية قصة ابنتها مع زوجها ومعاناتها معه.

نهاد في دعوى خلع: جوزي جابلي ضرة وسحلني في الشارع قدام الناس

زوجة في دعوى خلع: جوزي عيان وأنا زهقت منه

تفاصيل القصة

فقالت الأم : «بنتي عندها 25 سنة ومتجوزة  من 4 سنين وجوزها بيشتغل محاسب وعندها طفل عمره سنتين، وطفل آخر عمره 40 يوم، طوال فترة الجواز جوزها كان بيصرف عليها ويراعيها ولكن في السنة الأخيرة من الجواز بدأ يدمن المخدرات وتغير حاله  وكمان مع بنتي".

أم زوج بنتي طلبت منه يدفع الفلوس وإلا هتبيع الشقة

وتحكى السيدة تغريد: "بنتي وجوزها ساكنين في شقة، نصف تلك الشقة يمتلكها جوزها وبنتي والنصف الآخر لوالدته، ووالدته أشارت عليها بدفع مبلغ من المال مقابل شراء النصف الآخر من الشقة، لكن جوزها ده مش معاه فلوس ولا بيحوش حاجة للزمن علشان يشتري النصف الآخر من الشقة، على الرغم من أنى عملت جمعية ولكن هو لم يدخر أي مبلغ من المال علشان تبقى الشقة بتاعتهم بالكامل".

زوج بنتي بخيل ولا يعطيها غير 250 جنيها

وتستكمل الحاجة تغريد صاحبة 59 عاماً: "جوز بنتي بخيل ولا يعطيها غير 250 جنيها مصاريف على بناتها الأثنين طوال الأسبوع ووالدة زوج بنتي هددتها بطردها من البيت وأنهم هيبيعوا الشقة، وجوزه وأخوه ضربوني بطوبة في دماغي، علشان امنعه من بيع الشقة وهواستغل وجود أهله وضربوني أنا وبنتي وروحت أنا وزوج بنتي عملنا محضر في قسم الشرطة وفضلت قاعدة ليلة كاملة في القسم وكأنى مجرمه".

هيطرد بنتي من شقه

وتوضح تغريد:" أنا روحت بنفسي رفعنا قضية قرار تمكين بخصوص حق بنتي في تملك الشقة ضد جوزها، لإنه هيبيع الشقة ويطرد بنتي بولادها منها وهو مش فارق معه أى حاجه".

زوجة في دعوى خلع: جوزي عايزني خدامة لـ أمه 

زوج بنتي شرب استروكس

وتروي الحاجة تغريد: "في بداية حياة بنتي الزوجية، زوجها كان بيقدرها ويحترمها ولكن بعد أن أدمن وشرب الاستروكس والبودرة تغير معها إلى الأسوء، وأًصبح يضربها وهى لا تزال صغيرة على تحمل تلك المشاكل وأنا سيدة كبيرة موظفة وزوجي رجل كبير على المعاش، فكيف أحمى بنتي، وجوزها لا يراعي الله فيها ولا يصرف عليها ويدمن مخدرات وأنا بتمني من ربنا أننا نلاقي حل للمشكلة ويطلع من دماغه فكرة أنه يبيع الشقة ويخلى بنتي تيجي تسكن عندي وحمات بنتي للأسف لا تطيقها وتتمني أن تتخلص منها ولذلك تسعى بأن ابنها يبيع الشقة".

تختتم تغريد: جوزي بنتي ده مدمن مخدر الأستروكس ولن يتوقف عن الإدمان مهما حدث ووالده مدمن فهو يساعده على تعاطي المخدرات وعدم التوقف عنها مهما حدث، وذلك سيؤثر على حياة بنتي وأطفالها .