زوجة في دعوى خلع: جوزي عايزني خدامة لـ أمه 

«بنتي جوزها طردها من بيتها في قنا من غير عيالها علشان اعترضت ورفضت تخدم حماتها»..  تلك كلمات أم الزوجة ناريمان تروي بها لـ تحيا مصر مأساة نجلتها من عائلة زوجها.

سماح رفعت قضية خلع ضد جوزها.. فمات وخدت ميراثه

نهاد في دعوى خلع: جوزي جابلي ضرة وسحلني في الشارع قدام الناس

تفاصيل القصة

فتقول أم نريمان: "بنتي اتجوزت وهى عمرها 17 سنة واستمرت مع زوجها 8 سنين وجوزها ده من قنا وعندها طفلين، طفل عنده 4 سنوات وطفل أخر عمره 8 شهور، ولإنها أتجوزت وسنها صغير فتم عقد قرانها في ورقة عرفي وليس رسمي وبعد أن تمت السن القانوني زوجها كان لا يريد أن يسجل الزواج ولكن بعد فترة تم تسجيل الزواج".

طفلين احدهم مريض بضمور في المخ

وتضيف: "بنتي أنجبت ولد عمره 4 سنين، وطفل أخر عنده 8 شهورومريض بضمور في المخ، وزوجها طردها من غير عيالها ورفض أن تقوم بأخذ ولادها، وهى للأسف من القاهرة، فرجعت القاهرة من غير عيالها ومش عارفه ترجع عيالها ولا تعمل ايه في المشكلة دي".

هتسيب عيالها لزوجها

وتستكمل والدة ناريمان: "بنتى وصلت لمرحلة بقت فيها عاجزة عن التفكير ولذلك قررت رفع دعوى خلع ضد جوزها في المحكمة وهتسيب عيالها له، لإنها صغيرة واحنا مش في استطاعتنا أن نربي ونصرف على علاج الطفل الذى عمره 8 شهور، لأن أبوها موظف حكومي على قد حاله ولا يستطيع الإنفاق على العيال وأسرته بالكامل".

صوراها واغتصبوها.. حيثيات سجن شقيقين تعديا على زوجة أحدهم بالحوامدية

والدها شافها شغالة خدامة لحماتها فرجعها معاه

وتوضح  والدة الزوجة: "بنتي يأست من حياتها بسبب وكل ده حصل لإن جوزي راح يزورها واكتشف أن بنتى بتخدم وبتروح لبيت حماتها كل يوم وهى ساكنة بعيد عنها ولازم تروحلها كل يوم لكي تأكل وتشرب وتخدمها وتنظف ليها البيت وعرف أبوها كده، فاتخانق مع زوجها وقاله بنتي مش خدامة علشان لما تصحى بالليل وتحتاج تشرب لا تجد مشروب مياة ولا أكل في البيت".

رفع دعوى خلع وترك العيال لوالدهم

وتضيف: "وجوزي اتخانق مع جوزها وخدها ورجعها معاه القاهرة بدون ولادها، علشان جوزها رفض يديها الأولاد، واحنا مش عارفين نعمل ايه حالياً، فأنا وأبو ناريمان قررنا إنها لازم تخلع جوزها وتسيب العيال له لإننا غير قادرين على مصاريف العيال كمان بعد إنفصالها".