مش بيستحمى وريحته وحشه..زوجة بمحكمة الأسرة: خلعته من أول جلسة

«مش عاوز يستحمى وبيعملها مرة كل أسبوع بس وأنا مش قادرة أستحمل أكتر من كده ومفيش أى حد يعرف يعيش بالشكل ده» .. بتلك الكلمات بدأت زوجة أمام محكمة الأسرة بالكيت كات، ألتقى بها تحيا مصر لتكشف لنا أسباب تواجدها بالمحكمة.

فتقول الزوجة البالغة من العمر 22 عامأ:" أنا متزوجة منذ سنة، وزوجي سواق توكتوك، ويبلغ من العمر 27 عاماً، وهو تقدم لوالدى ووافقت عليه وأنا كنت لا أعرفه قبل ذلك، وأقمت معه في شقتنا بالجيزة وبمرور الوقت اكتشفت إن زوجي عنده عادة سيئة وهي عدم إستحمامه مطلقا سوى كل أسبوع، وأنا معرفتش أغيرها خلاص، وحاولت معاه لتغير تلك العادة ولكن زوجي مش راضى يتغير".

رافض التغيير من نفسه

وتضيف الزوجة:" ريحة جوزي لا تطاق، شرابته مبتتغيريش، ومش عاوز يغيرها للأسف وهو رافض يغير هدومه، ولما بيأكل بيرفض يأكل بمعلقة وبيأكل بإيده، ومبيغيريش هدومه غير كل أسبوع، ولما بتكلم معاه فى إنه من الطبيعى الاستحمام كل يوم، بيرد عليا ويقول أنا كده ومش هتغير وريحتي وشرابتى اللى حضرتك مش طايقاهم هما اللى بيصرفوا عليكي، أنا راحتى كده بسبب الشغل يا هانم".

رائحته كريهة

وتبكى الزوجة بدموع محبوسة:" أنا مش طايقه ريحته هو أيه المشكلة إنه يستحمى كل يوم، ويغير الشراب وهدومه حتى لو بيشتغل، مش معنى كده إنه يعيش بريحته الكريهة دي وأنا مجبره على تحمل ريحته، ولما بشتكى لأهلى بيحسسونى إنه موضوع تافه ولا يستحق، وبيقولوا مفيش مشكلة إنه يستحمى كل أسبوع ويغير الشراب بعد أسبوع وأنتى احمى نفسك بالمطهرات وهو أغلبية وقته بيكون في الشغل".

وتبين الزوجة قائلة:" أنا استحملت زى ما قالولى سنة كاملة بس مش قادرة أعيش مع شراباته  وريحته الكريهة وهو مش راضي يتغير، فالنظافة من الإيمان وده واجب عليه إنه يكون نظيف، علشان مينشرش أمراض ولا حتى يصيبنى برائحته الكريهة، أصبحت مش عارفه أنام بسبب ريحته".

الخلع من أول جلسة

وتستكمل الزوجة أنا رفعت عليها دعوى خلع بعد سنة جواز،لإنه رفض إنه يطلقنى، وخوفت ليعدينى بريحته الكريهة بالأمراض الجلدية والحساسية، وقدمت الأوراق إلى المحكمة وكسبت دعوى خلع، بعد أول جلسه بعد 50 يوم من رفع الدعوى.