زوجة في دعوى خلع:جوزي ابن أمه ومنعته من ممارسة العلاقة الجنسية معايا

«كل حاجة بتحصل بينا لازم يروح يجري يبلغ امه بيها وهي السبب إنه ميدنيش حقوق الزوجية زي أى ست».. كلمات اطلقتها ريهام داخل محكمة الأسرة عندما ألتقاها تحيا مصر لتروي لنا مأساتها مع زوجه ووالدته.

زوج بمحكمة الأسرة: خلعتني بعد أسبوع جواز علشان معجبتهاش ومبسطهاش

حبيبة في قضية خلع: رغبتي الجنسية عالية وجوزي ضعيف "مش قادر عليا"

تفاصيل القصة

فتقول الزوجة ريهام التي تبلغ من العمر 22 سنة:" أنا أتجوزت من سنتين وجوزي موظف وعندي طفل، وهو كان شخص بسيط وحنون ولكن عيبه أن كل حاجه تحصل في البيت بينا لازم يروح يقول لأمه عليها باستمرار وده مخلي شكلي وحش دايما قدامها وأنا مش مستحملة ده".

جوزي هجرني

تكمل الزوجة ريهام كلامها:"أنا تعجبت من موقف جوزي واستغربت، بس عرفت الموضوع إنه أكبر أخواته وهو الولد الوحيد في البيت ويخبر والدته بكل شئ، والمهم فضلنا سنتين مع بعض، وجوزي بعيد فيهم عنى بطريقة غير منطقية، ويرفض ممارسة العلاقة الحميمة معايا خلال فترة كبيرة مع بعض".

تحولت الحياة لجحيم

وتضيف الزوجة: "أنا  فضلت سنتين مفهمتش أيه المشكلة والعصبية دخلت بينا دايما وبدون سبب يحاول أن يفتعل المشاكل، واستمر الوضع حوالي سنتين، وعندما فاض بيا الكيل أخبرت والدته بذلك فضحت بشكل غريب في وجهي وقالتلي أنا قولت لإبني يبعد عنك مدة ولا يمارس معكي العلاقة الجنسية بس مكنتش صدق إنك توصلي وتتكلمي معايا في موضوع زي ده، وأنا في ذلك الوقت وقفت مصدومة من كلامها وردها عليا كده وتسألت في نفسي لماذا تقوم بعمل ذلك وليه بتحرض جوزي علشان يهجرني".

وتستكمل ريهام: "أنا تعجبت من موقف حماتي واصراها على فعل ذلك بدون سبب وكمان بتهزقني علشان  اتكلمت في حقوقي الشرعية اللى ربنا حللها ليا وقالت عليا إن ده فضيحة لجوزي، وهو أول لما عرف ضربني على وشي وكأنى اتكلمت في حجات ليس من حقي الكلام عنها والمفروض متكلمش في حاجة زي كده".

رفض ممارسة العلاقة الحميمية

وتسترسل ريهام: "المفروض كنت أعمل ايه وأنا حاسه بإنه بعيد عني ولما اتكلمت معاها وطلبت منه ممارسة العلقة الحميمية بس هو رفض ونفض للموضوع، وأنا حتى لما وصلت لعيلتي حكيت ليهم، وأني حكيت بس لوالدته علشان أفهم أيه السبب لو مني أعدل من نفسي ولو هو زعلان أقدر أصالحه واتكسفت وأنا بحكى لأهلي مكنش الموضوع سهل بالنسبالي".

وتختتم الزوجة العشرينية كلامها: "أنا عرفت أن جوزي مش طايقني بسبب والدته وطلبت منه الطلاق ولكن هو رفض وقالي احنا مش بنطلق حريمنا، واحنا مش بنسيبهم غير وهما ميتين وفكرة الطلاق دي غير موجودة وعلشان كده حكيت لعائلتي كل ما حدث ورفعت عليه دعوى خلع وكسبتها وأنا انتصرت واتطلقت منه علشان العيشة مش بالغصب ورفعت نفقة لصغاري للإنفاق منها عليهم.