حبيبة في قضية خلع: رغبتي الجنسية عالية وجوزي ضعيف "مش قادر عليا"

«مش قادرة استحمل جوزى وهو بالشكل ده وهو مش مكفيني وأنا ليا احتياجاتي ».. بتلك الكلمات قالتها فريدة وهى أمام محكمة الأسرة، وتحيا مصر ألتقى بها لتروي لنا تفاصيل لجوئها للمحكمة.

سنتين زواج

وتقول فريدة صاحبة الـ 24 عاماً:" أنا تزوجت منذ سنتين، وجوزى عمره 34 عاماً، ولم أنجب منه وجوزي سواق ميكروباص واحنا مش متجوزين عن حب، وهو اتقدم لوالدى وهو وافق عليه، لخلقه ودينه وأنا وافقت عليه واتجوزته".

زوجى ضعيف 

وتضيف فريدة:"أنا اتجوزته بس حظي الأسود للأسف مش مكفيني وقوته الجنسية أقل مني في ممارسة العلاقة الحميمية ومش قادر عليا، وأنا استحملت ونصحته إنه يتناول أدوية لزيادة الرغبة الجنسية وقوته في ممارسة العلاقة ولكن هو للأسف رفض تناول أى أدوية خوفاً من تأثيرها على صحته".

رفضه الطلاق

وتستكمل:" بدأت أتصنع المشكلات لطلب الطلاق منه ولكنه رفض بشدة، وأخبرنى أنه يحبني ولا يستطيع التنازل عنى، وهنا ترددت في طلب الطلاق لكلامه، ولكن أن ست زى أى ست تحتاج للجنس ولها رغباتها واحتياجتها في ذلك الأمر وليس بيدي ذلك إنني لدى رغبة جنسية عالية وأنا لسه عمري صغير في بداية حياتي الزوجية وبكده أنا لو استمريت معاه هضيع عمري معاه بسبب ضعفه الجنسي".

وتسترسل:" فكرت في حيلة لحل تلك المشكلة، هو إنه يشاهد أفلام جنسية تثيره لكنه رفض ذلك بشدة، وهنا شعرت بإنه لن يتغير، فغادرت لبيت والدى وقولت إنه بيتخانق معايا وبيدايقنى، علشان قولتله نروح لدكتور نكشف وراح أبويا كلمه وهو رفض، وهنا قررت أنى أرفع قضية خلع لاستحالت العيش معاه".

دعوى خلع

وتختتم فريدة:"أنا خلعته علشان هو مش راضي يتعالج وفاكر إن فيه حد هيرضى بيه بالشكل ده، وأنا أعمل إيه يعنى أنا رغبتي الجنسية عالية وده مش ذنبي إنه ضعيف، وأنا نفسي أكون في جوزي علطول".

ميرفت في محكمة الأسرة: جوزي عايش معانا في الشقة غريب

«والله العظيم شقتنا مش كبيرة أووى علشان جوزى ميسألش عليا أنا والعيال واحنا عايشين في نفس الشقة».. بتلك الكلمات تروي ميرفت مآساتها لـ تحيا مصر مع زوجها حين ألتقاها داخل محكمة الأسرة.

تقول ميرفت صاحبة الـ ٣٩ عاما:" أنا اتجوزت من ١٩ سنة، وجوزى شغال نجار، وبعد كده اشتري تاكسي، اشتغل عليه، واحنا قبل الجواز كنا جيران في نفس الشارع، ولما اتجوزته انتقلت لعش الزوجية الخاص بنا، وأنجبنا ولد وبنت، عمر الولد ١٨ سنة والبنت ١٣ سنة دلوقتي".

مريضة ورفض أروح المستشفى

وتضيف ميرفت:" جوزى كان كتير الخصام، مرة فضلت ١٥ يوم تعبانة في السرير وهو بيرجع متأخر ومبيسألش عليا ويدخل على حجرته يقعد فيها ولا كأنى مراته وتعبانه وهو نازل الصبح حتى ميقوليش صباح الخير، فجوزى كان جاف ومعندهوش أى حنية ورمانسية".

وتستكمل:" أنا فعلا اتخنقت حتى ابنى زعق لوالده بسببي، لما كنت مريضة في السرير ومش قادرة اقوم اعمل حاجة البيت ولا اعمل أى حاجة، فابنى بيكلم أبوه وبيقوله يا بابا لازم تروح ماما المستشفي هى سخنه راح رد وقاله إديها حقنة ولا أى حاجه وخلاص أنا مش فاضيلكم وفضل ماسك الموبايل راح ابنى مسك موبايل أبوه كسره علشان يركز معاه وفي اللى بيقوله ومن وقتها وجوزى مبيكلمش ابنى الكبير خالص" .

خلعته ورفعت دعوى نفقة

وتسترسل ميرفت:" هو مش بيسأل علينا واحنا عايشين في نفس البيت ولو واحد حصله حاجه مش هيفرق معاه علشان كده أنا اسيبه واخلعه بكرامتي بدل ما هو هجرنا كده غصب عنا، ولا بيكلم العيال وكإننا موجودين في حياته، وتراكمات سنين والواحد بيكون مستحمل علشان العيال، وعلشان الدنيا تمشي بس الواحد بيجى عليه وقت بيكون طاقتة خلصت، علشان كده رفعت قضية خلع على جوزى وحاليا ماشية في إجراءات النفقة للعيال".

مش بيسأل علينا

وتختتم ميرفت باكية:" احنا شقتنا مش كبيرة أوى دول حجرتين وصالة، وهو مكنش بيسأل لا عليا ولا على العيال، وبعد الخلع نفس الكلام جوزى بيقابلنا أنا والعيال في الشارع ومش بيسأل حتى على العيال رغم أنه شايفنا".