مريم الخشت تكشف عن الوجه الأخر للفنانات في المهرجانات "صورة"

كشفت الفنانة الشابة مريم الخشت عن كواليس فساتين وإطلالات مهرجان الجونة السينمائي في دورته الرابعة، لافتة إلى أن المظهر النهائي الذي يظهرن به جميع الفنانات يخفي العديد من المتاعب.

كتبت "الخشت" عبر موقع التواصل الاجتماعي "فيس بوك"، قائلة: "صورة بعنوان No filter - No makeup..والصورة دي ليها قصة أنا نفسي كل الناس تعرفها.. أغلب الناس بتشوف صورنا في المهرجان وبيتخيلوا إن هي دي حياتنا، عاملين شعرنا 24 ساعة.. وحاطين مكياج دايماً وإن ده العادي بالنسبالنا وإننا مبسوطين وإحنا كده".

وتابعت: "بس الحقيقة مش كده تمامًا .. حضورنا أي حدث مهم لازم نكون فيه شكلنا حلو زي أي بني آدم رايح حدث مهم ده جزء من شغلنا، وإن يبقى شكلنا حلو دايماً وظاهرين بأحسن صورة ده بيحطنا تحت ضغط كبير جداً بسبب قلقنا من ردود أفعال الناس، والضغط ده بيكون نتيجته مثلاً إن بيطلعلنا حبوب في وشنا زي أي حد عادي مضغوط".

اقرأ أيضًا..أحمد داود يكشف حقيقة إصابته بفيروس كورونا بعد عودته من الجونة

واستطردت حديثها قائلة: "حياتنا وشغلنا فيها الجزء اللي بتشوفه بـ fiters و Makeup لكن الجزء التاني الأكبر في حياتنا مش كده خالص".