أحمد عز: مهنتنا لازم تدفع من دمك كتير عشان توصل وكل أعمالي الناجحة كانت بتاعة ناس تانية

تحدث الفنان أحمد عز بالعديد من التصريحات الخاصة بحياته الفنية والمهنية وذلك خلال ندوته على هامش مهرجان القاهرة السينمائي والذي أقيم حفل افتتاحه في مساء أمس الأربعاء بحضور عدد كبير من نجوم الفن.

أحمد عز عن مهنة التمثيل: شاقة جدا 

وقال أحمد عز في تصريحات رصدها موقع تحيا مصر: مهنتنا دي شاقة أوي واللي عايز يمتهنها لازم يدفع من دمه كتير عشان يوصل.

وتابع أحمد عز حديثه: خليني ابقي واضح في الأول كانوا بيرشحوني علشان شكلي، لاني لما كنت بتفرج علي أعمالي القديمة كنت بقول ربنا كرمني أوي، لكن مع الوقت طريقتك وأدواتك هما الأهم من الشكل، والروح اللي جواك هتقدم للناس إيه، ويعلم ربنا إني لحد دلوقتي حتي لو بعمل مشهد معدي بس في الشارع بعمله بكل تركيز، ويشهد ربنا إني ببقي بفكر في الناس اللي هتنزل تدفع من جيبها علشان تتفرج على فيلم هيطلع منه بحاجة.

أحمد عز: كل أعمالي الناجحة  كانت بتاعة ناس تانية 

واستكمل أحمد عز حديثه: معظم الأعمال اللي عملتها سواء أفلام أو مسلسلات الناجحة كانت بتاعة ناس تانية في الاول واعتذروا عنها حتى فيلم ولاد رزق مكنش فيلمي بس لما كان حد بيقرأه مكنش بيفهمه أو يحبه وكمان عشان فكرة التركيبة الجماعية، اللي انا بشوف السينما قائمة عليها، فترتيبات ربنا أكبر بكتير من اللي بخططله.

حفل افتتاح مهرجان القاهرة 

من ناحية أخرى، شهد حفل افتتاح مهرجان القاهرة السينمائي حضور عدد كبير من نجوم الفن في مصر من بينهم هبة مجدي وشريف منير وأشرف عبد الباقي وأحمد عزي الذي حصد على جائزة فاتن حمامة، وحسين فهمي رئيس المهرجان وزوجته، فضلا عن إلهام شاهين ونيللي وايناس الدغيدي وهاني شنودة وميمي جمال وخالد النبوي والإعلامي عمرو الليثي وخالد يوسف، وهالة سرحان وبشرى ولقاء الخميسي والراقصة دينا وليلى علوي ونبيلة عبيد ورانيا يوسف وعلي قاسم وغيرهم من النجوم الشباب.

أحمد عز: دعوات أمي السبب في اللي أنا فيه دلوقتي وهذه نصيحة عادل إمام لي

أحمد عز: نجاحي الحقيقي أن أفلام تكون لسة عايشة أما اكبر.. وهكذا دخلت للتمثيل

وتغيب عدد من نجوم الفن عن حفل افتتاح مهرجان القاهرة السينمائي الدورة الـ 45 وذلك لتواجدهم في عرض أزياء إيلي صعب بالمملكة العربية السعودية في الرياض ولعل من أبرز هؤلاء النجوم، النجمة يسرا وإسعاد يونس والمخرج طارق العريان وأمينة خليل وهدى المفتي وأحمد حلمي وكندة علوش وعدد من نجوم وصناع الفن الآخرين.