أحمد عز: دعوات أمي السبب في اللي أنا فيه دلوقتي وهذه نصيحة عادل إمام لي

تحدث أحمد عز عن شخصيات مؤثرة في حياته، وكان على رأس هؤلاء والدته التي كان لها الفضل الكبير في نجاحه الحالي، فضلا عن الزعيم عادل إمام والذي وجه نصيحة له في بداية حياته الفنية.

أحمد عز يتحدث عن فضل والدتها 

وقال أحمد عز خلال ندوته في مهرجان القاهرة السينمائي بدورته 45 ورصدها موقع تحيا مصر: عظيمة دعواتها السبب اللى أنا فيه دلوقتى، وكنت مش بيتعرض عليا أى أعمال فنية وبعد دعواتها، كلمنى المخرج على عبد الخالق قالى احلق و تعالى على إسكندرية ذهبت على طول وعرفت أنه فيلم يوم الكرامة وكان زميل هيقدم دورى ولكن تأخر10 دقائق وكلمنى واتعلمت منه كتير وأن الالتزام أهم حاجه فى النجاح.

أحمد عز ونصيحة للزعيم عادل إمام له

وتطرق أحمد عز بحديثه عن الزعيم عادل إمام ودوره في حياته الفنية، قائلا: بعد ملاكى إسكندرية كنت فى مكتب وائل عبد الله وكان موجود الزعيم عادل إمام وسلمت عليه ووهو نجم عظيم وملهم لجيلى والأجيال القادمة عنده معادلة صعبة إزاى تعمل أفلام حلوة و تعيش وشباك التذاكر مليان طول عمره دى معادلة الزعيم هو بس اللى بيعملها.

وتابع: نصيحته دائما لى هى الالتزام والورق أهم عناصر النجاح ونصحيته عايش بها لحد دلوقتى ولا يمكن انساها.

أحمد عز لحاضرين ندوته في مهرجان القاهرة القاهرة: ممتن ليكم طول عمري 

ووجه أحمد عز في بداية ندوته للحاضرين في مهرجان القاهرة السينمائي من الصحفيين والنقاد، قائلا: في بداياتي مكنش حد ممكن يعرفني غير بسبب كتاباتكوا عني، سواء كان نقد او كلام كويس، وانا بشكركم جدا جدا وممتن لده طول عمري.

أحمد عز: نجاحي الحقيقي أن أفلام تكون لسة عايشة أما اكبر.. وهكذا دخلت للتمثيل

اليوم.. حوار مع أحمد عز الحائز على جائزة فاتن حمامة بمهرجان القاهرة السينمائي

وكان قد تحدث أحمد عز عن بداية دخوله مجال التمثيل، قائلا: أنا كنت بشوف افيشات الأفلام كنت بحس إني فيها، سعيت للتمثيل بكل الطريق.. اشتغلت موديل وصورت إعلانات وروحت ورش تمثيل وفادتني جدا، روحت هبطت على جمال عبد الحميد المخرج، عايزة دورا صغيرا في "زيزينيا"، ومن هنا ابتديت المشوار، واستقلت من عملي، وقمت بعمل فيلم مذكرات مراهقة.