أحمد عز: نجاحي الحقيقي أن أفلام تكون لسة عايشة أما اكبر.. وهكذا دخلت للتمثيل

أقيمت منذ قليل ندوة للفنان أحمد عز ضمن فعاليات مهرجان القاهرة السينمائي الدولي بدورته 54، والتي شهدت حفل افتتاحها في مساء أمس الأربعاء بحضور نخبة من نجوم الفن، كما شهد حصول أحمد عز على جائزة فاتن حمامة.

أحمد عز: بعد الشهرة انت مطالب بإنك توجه الناس ومش بدعي إن كل أفلامي بتحمل ده

وقال أحمد عز في ندوته بمهرجان القاهرة السينمائي في تصريحات رصدها موقع تحيا مصر: بعد الشهرة انت مطالب بإنك توجه الناس ومش بدعي إن كل أفلامي بتحمل ده، بس بحاول إني لو مقدمتش حاجة فيها فكرة أو ثقافة أقدم حاجة تسلي الناس في وسط الظروف اللي هي فيها.

وتابع أحمد عز حديثه: أنا لسة مقدمتش حاجة ونفسي أما أكبر واتفرج على أفلامي ألاقيها لسة عايشة زي أفلام الريحاني وكل أفلام أساتذتنا الكبار القديمة، وده بالنسبالي النجاح الحقيقي.

أحمد عز ودخوله مجال التمثيل 

واستكمل أحمد عز عن دخوله مجال التمثيل: أنا كنت بشوف افيشات الأفلام كنت بحس إني فيها، سعيت للتمثيل بكل الطريق.. اشتغلت موديل وصورت إعلانات وروحت ورش تمثيل وفادتني جدا، روحت هبطت على جمال عبد الحميد المخرج، عايزة دورا صغيرا في "زيزينيا"، ومن هنا ابتديت المشوار، واستقلت من عملي، وقمت بعمل فيلم مذكرات مراهقة.

وأضاف: بعد الفيلم قعدت في بيتي  ٥ سنوات ولكن بعد ذلك سارت الامور بافضل حال.

أحمد عز وحصوله على جائزة فاتن حمامة في مهرجان القاهرة 

هذا وتحدث أحمد عن عن حصوله على جائزة فاتن حمامة في مهرجان القاهرة السينمائي الدولي بدورته 45، قائلا: من حوالي 20 سنة خيروني أكمل في شغلي ولا أعمل بطولة أول فيلم وعلى عدم رغبة أمي وأبويا ابتديت أصور نص التصوير، وجه مهرجان القاهرة وكان نفسي احضر والدعوة تجيلي على البيت مش لسبب غير عشان أقولهم إني اخترت صح.

اليوم.. حوار مع أحمد عز الحائز على جائزة فاتن حمامة بمهرجان القاهرة السينمائي

اخبار الفن اليوم الخميس| ندوة أحمد عز في مهرجان القاهرة.. وحفل إيهاب توفيق على مسرح البالون

واستكمل: المهم الدعوة مجتش، وفضلت مستني لحد ما جه يوم المهرجان الصبح وروحت لإدارة المهرجان وقولتلهم ازاي الدعوة متجليش وادوهالي، و كنت عايز ابقى أبيض واحد على الريد كاربت من النضافة على أساس إني هتصور وحطيت إيدي في جيبي وعملت نفسي متقن في الفن عديت على أول كاميرا والتانية ومحدش عرفني قولت مش مشكلة كان نفسي ابقى قاعد في النص وسط النجوم عشان ابان في الكاميرا، قالولي حضرتك مكانك فوق مش هنا.. أمي دعتلي لما لقتني زعلان وقالتلي ربنا ينولك مرادك.