شيرين عرفة تنتقد التربية الإيجابية الحديثة: مش متقنعة بيها

خرجت الإعلامية شيرين عرفة لتنتقد شعار التربية الايجابية الحديثة والتي انتشرت في الفترة الأخيرة، وهي تربية الأطفال بدون عقاب ولكن تعليمهم بأثر اخطائهم على الأسرة والمجتمع، مشيرة إلى أنها أصبحت لا تستوعبها.

شيرين عرفة تنتقد التربية الإيجابية 

وقالت شيرين عرفه في فيديو رصده موقع تحيا مصر عبر حسابها الرسمي بموقع تبادل الصور والفيديوهات: كل يوم بيزداد إقتناعي أن مصدقش في التربية الايجابية الحديثة، هي فيها حاجات كويسة ولكن فيها حاجات مبفهمهاش من ضمنها ان مفيش عقاب بس فيه عواقب.

وتابعت شيرين عرفة: مالها أيام ادخل على أوضتك ومش عايزة أشوف وشك لغاية ما تعتذر وكنا بنعتذر واحنا وشنا في الأرض، دي الكلاسيكيات اللي اتربينا عليها واحنا زي الفل أهو الحمدلله

شيرين عرفة: دلوقتي إحنا في زمن لازم تبقى بلطجي وعربجي

وكانت قد اثارت شيرين عرفة في وقت سابق الجدل بشأن موقف حدث لها مع ابنها في المدرسة، قائلة: أنا جالي امبارح إيميل من المدرسة بيقولولي إن ابني وأصحابه كانوا بيهزروا هزار سخيف بيضربوا بعض الهزار بتاع الولاد، وأن سليم فك الحزام بتاع الشورت وكان بيضربهم بيه.

واستكملت في تصريحات مثيرة: أنا ردي عليهم كان واضح وصريح، وهو أنه ابني عنده الحق يدافع عن نفسه مش ده العالم اللي إحنا فيه، ومش هعمل بقى زي زمان ده هبل، ونقعد نقول لما ابني يرجع هنتكلم مع بعض عشان ميعملش كده تاني، لكن دلوقتي إحنا في زمن لازم تبقى بلطجي وعربجي وأي حاجة أنت تعملها ممكن تبقى مجرم، بس يبقى عندك حق أنك تدافع عن نفسك، مش فاهمة يعني أربيه في زمن مختلف عن اللي إحنا فيه، لا لازم يبقى من دلوقتي إحنا بنحضرهم.

أسماء جلال عن التعليقات السلبية عنها: ولا حاسة بحاجة ولا الهوى

آخر أعمال شريف عرفة

يذكر، شيرين عرفة هي ابنة المخرج شريف عرفة والذي كانت أخر أعماله مشاركته في فيلم اللعب مع العيال، الذي تدور أحداثه في إطار من الكوميديا، حول مدرس التاريخ (علام)، والذي يُنقل إلى أحد المدارس بمنطقة صحراوية؛ فيواجه العديد من العقبات التي لم تكن في الحسبان.

وشارك في بطولة الفيلم عدد كبير من النجوم والنجمات منهم: محمد إمام، أسماء جلال، باسم سمرة، مصطفى غريب، ويزو، بيومي فؤاد، وغيرهم، والفيلم من تأليف وإخراج شريف عرفة.