ياسمين عز: لو جوزك بيحب الست الواجهة امشي في البيت بكعب وروب فرو واعمليله حسنة في وشك

بدأت الإعلامية ياسمين عز حلقتها الجديدة في برنامج كلام الناس والمذاع على قناة mbc مصر، بتقديم نصائح للمرأة المصرية كعادتها، مشيرة إلى قراءتها كتاب بحتوي على 3 علامات تجعل الرجل يعجب بالمرأة.

ياسمين عز تقدم نصيحة للسيدات 

وقالت ياسمين عز في تصريحات رصدها موقع تحيا مصر: فيه 3 علامات لإعجاب الرجل بالمرأة لو عملتيهم هيعجب بيكي.. معملتهمش هو كدة كدة بيعجب بأي واحدة عادي, أول حاجة الراجل بيعجب بالمرأة اللي بتشاركه اهتماماته يعني لو بيحب الكورة اقفي جون قدام الناس وصدي الكورة عشان النيش ميتكشرش.

وتابعت ياسمين عز حديثها: لعبيه طاولة، خليه يحبسك في المحبوسة لو انتي مش هتتحبسي مين هيتحبس العبي معاه وشاركيه طلمبه عن العربيات وركنتك اللي ميعلم بيها الا ربنا .

ياسمين عز: لو جوزك بيحب الست الواجهة امشي في البيت بكعب وروب فرو

وأضافت ياسمين عز في حديثها: العلامة الثانية هو أن لازم تكوني إضافة للراجل مينفعش وجودك يبقى زي عدمه لو جوزك بيحب الست المثقة امشي في البيت رافعة شعرك ولابسة نضارة واقعدي اقرأي كتب، لو بيحب الواجهة امشي في البيت بكعب وروب فرو واعمليله حسنة، لو بيحب الاكل اعمليله كيكة بالبرتقال.

واستكملت ياسمين عز حديثها: لازم تستشريه في كل حاجة اللي هو انتي محتتسة من غيره فيزهق منك ويطلقك كلميه عن كيفية نشأة النكد ولو عملتي ده هو كدة كدة هيطلقك.

ياسمين عز تنفي تصريح "دلعوا رجالتكوا انتوا مش قد بنات لبنان".. وتوجه نصيحة للمطلقات

ياسمين عز: دهب الخطوبة فشخرة على الفاضي.. واخوات العريس بيقصدوا ينكدوا على العروسة

ياسمين عز توجه رسالة للمطلقات 

وكانت قد وجهت ياسمين عز رسالة للمطلقات وذلك بسبب أحداث مسلسل البحث عن علا 2 التي أشارت إلى حياة المطلقات التي تكون أفضل بعد الزواج، وأكدت ياسمين عز أن هذه الأحداث غير واقعية، وقالت: “لما تطلقي وانتي ساحبة قرودك وماشية خليكي عارفة إنك مش هتلاقي ظافر عابدين مستنيكي، في الواقع هيبقى مستنيكي مكرونة بشاميل للعيال وراجل هيجي يصلحلك الثلاجة البايظة.. فـ خليكي عاقلة وخلي بالك من جوزك وبيتك”.

ونفت ياسمين عز علاقاتها بتصريحها عن لبنان، قائلة: اللي يعرفني عارف اني مستحيل اقول الكلام ده غير كده ده غير قناعاتي مش محتاجة سبب او مناسبة عشان اقولك دلعي جوزك.. مفيش حاجة اسمها في الدنيا واحدة تيجي تاخد جوزك منك هو مش كيس بطاطس طول ما انتي مريحاه عينه وقلبه ليكي انتي الراجل مسكين مش عايز حاجه غير الراحه وتشوفي اللي يبسطه.