بسنت صيام تؤدي مناسك العمره وتهديها لسعاد حسني: معنديش هدية احلى من دي أهديها بيها

حرصت الفنانة بسنت صيام على تأدية مناسك العمرة وإهداءها للفنانة القديرة الراحلة سعاد حسني وذلك لتوفي ما وعدت به الله أمام نفسها من شدة حبها لسعاد حسني والتي لها الفضل عليها في حبها للفن والتمثيل.

بسنت صيام: من وأنا صغيرة وعدت أن أول عمرة ربنا يكتبهالي هعملها لسعاد حسني 

وقالت بسنت صيام في منشور رصده موقع تحيا مصر عبر حسابها الرسمي بموقع تبادل الصور والفيديوهات انستجرام:  وعدت ووفيت يا ست سعاد.. الحمد لله و ربنا يتقبل العمرة التانية اللي عملتها كانت لسعاد حسني وعد كنت وعدته من و أنا صغيرة ان اول ما ربنا يكتبلي عمرة هعملها واحدة.

وتابعت: حبي ليها مش حب عادي اللي يعرفني عارف ان بيتي كله صورها عندي لبس و شنط و حاجات كتير عليها صورها.. أنا حبيت الفن منها و أنا صغيرة كنت عايزة أمثل عشان أمثل افلامها بس مش هو ده الحب أنا بحبها اللي هو ديماً بترحم عليها و ادعيلها و اقرالها قرآن و طول عمري شايفة اني معنديش هدية اكبر ولا احلى من العمرة اهديها بيها و الحاجة الوحيد اللي ممكن تكون هي محتاجاها و كمان هي معندهاش أولاد و للأسف على قد ما الناس كلها بتحبها الناس مبتفتكرش تترحم ولا تدعي للفنانين معرفش ليه.

بسنت صيام: محدش بيترحم ولا بيدعي للفنانين معرفش ليه 

وأضافت: أنا مكنتش ناوية اتكلم في الموضوع ده عشان دي حاجة بيني و بينها و بين ربنا بس بقالي شوية بضايق و بستغرب اوى ازاي الناس تكون بتحب فنان او فنانة اوى و يجروا عشان يتصوروا معاهم و في نفس الوقت يقطعوا فيهم و يشتموهم و يستحلوا الكلام في عرضهم كدة… بجد حاجة مخى مش فاهمها.

واختتم بسنت صيام حديثها، قائلة: كله كوم بقى و لما يبقى الكلام ده على حد أتوفي و الفكرة ان ديماً الناس دي بتتكلم بالدين طب ده حتى الدين بيقول أذكروا محاسن موتاكم، نفسي تاخدوها حاجة كدة و انتوا بتتفرجوا على التليفزيون ولقيته ممثل بتحبوه و توفى خدوا عشر ثواني اقروله الفاتحة و لو يا سيدي شايف ان اللي بيعمله حرام قول لنفسك كدة معناه انه محتاج الدعوة اكتر, ربنا يرحمك يا زوزو و يتقبل مني و يجعلها في ميزان حسناتك يا رب.

بعد تداول أخبار مرضه.. بسنت صيام تطمئن الجمهور على صحة والدها

آخر أعمال بسنت صيام 

يذكر، أن أخر أعمال بسنت صيام مشاركتها في مسرحية أنستونا إلى جانب كل من النجوم: دنيا سمير غانم، بيومي فؤاد، كريم عفيفي، سامي مغاوري، عمرو عبد العزيز، مريم السكري، وتأليف كريم سامي، أحمد عبد الوهاب، ومن إخراج خالد جلال الذي وصفته الفنانة دنيا "أنه شخص يحب الفن والمسرح جدا"، ومن إنتاج محمد أحمد السبكي.