نفسي استرزق .. رجل يبهر رواد السوشيال ميديا بمشروع بسيط

تداول رواد السوشيال ميديا منشور مؤثر لإحدى الفتيات وهي تروي تجربتها مع إحدى السائقين، حتى تساعده في الدعم المعنوي في مشروعه الصغير.

وقالت الفتاة في المنشور الخاص بها والذي انتشر على نطاق واسع على السوشيال ميديا، «مش طالبة منكم غير ترفعوا البوست وتاخدوا معايا ثواب طيب والله العظيم انا مستغربة من اللي حصل ، ركبت مع حد قد والدي في indrive.

وفاة رجل بفيروس اكل لحوم البشر أثناء السباحة.. تفاصيل

من كتر حبه فيها .. رجل يأكل حبوب القهوة على الريق

ف كان بيتكلم معايا وكدة وبيحكيلي انه شخص متعلم وكويس ولكن الدنيا جت عليه وانا طبعا كنت بحاول اقفل كلام لاني خايفة ».

وتابعت، «ف المهم ف الاخر لما قربت اوصل لقيته بيقولي هو حضرتك تعرفي حد عنده جروب اونىلاين يبيع حاجات؟ 

قولتله ليه؟ ( استغربت افتكرته عارفني)، فقالي انا شوفت اختراع كدة وعملته ونفسي حد يشوفه عشان استرزق منه المهم ياجماعة اقسم بالله انا قشعرت كدة اللي هو يمكن ربنا باعتني ليه قولتله وريهولي، لقيته عامل التحفة دا ، شوكة وسكينة ومعلقة بيتركبوا في بعض، عشان لو المطاعم او الفنادق حابين يقدموهم بدل ما يقدموا حاجة ف كيس وبتتىقطم بسرعة».

واضافت ، «المهم ان شكلها تحفة ! ومش واخدة اي مساحة هحطلكم فيديو عمو بيحكي ازاي شرحها،الاهم من دا كله ان سعرها ٨ جنيه! وعموماً والله سبحان الله انه الراجل لا يعرفني ولا اعرفه بس فجأة يكون عايز يقولي كل دا يمكن ربنا حطني ف طريقه عشان فعلاً اساعد».

قصة سائق صاحب مشروع بسيط يبهر السوشيال ميديا 

وتواصل موقع تحيا مصر مع الرجل لمعرفه تفاصيل مشروعه، وهو يدعى سامح محمد أبو رية، يعمل سائق في إحدى شركات التوصيل، «فكرة مشروعي بسيطة وهي شوكة وسكينه ومعلقة بيتفكوا ويتركبوا تاني، هدفي منها اني استرزق منها، أنا معايا ٢ شركاء، بأجر المكنه واعمل المعالق، والشوك والسكين».

وتابع، «انا عايز انشرها في مصر وأصدر منها للعالم، بس محتاج اللي يساعدني أن يتختم عليها 5 اي آمنة صحياً، أنا ربنا موفقني طول حياتي، ومحتاج أن أنجح مشروعي ده». 

واضاف، « أنا عندي 5 أولاد وبحاول اوفر لهم احتياجاتهم وأعلمهم كويس ونفسي ربنا يكرمني وابيع كويس، ويرزقني اكتر واعرف اكبر المشروع اكتر واكتر واعمل مشاريع تانيه».