خاص| ضحية حادث أحمد صلاح حسني: رفض يركب عربية الشرطة.. وعمل لي بلوك بعد ما اتحولت القضية لمخالفة

تحدث ضحية أحمد صلاح حسني عن معاناته خلال العام الماضي بسبب الحادث الذي تسبب فيه الفنان أحمد صلاح حسني وأكد أنه قام بحظر رقمه عندما حفظت القضية لمخالفة.

ضحية حادث أحمد صلاح حسني يكشف كواليس الحادث

كشف محمد ضحية حادث أحمد صلاح حسني عن كواليس يوم الحادث، لكاميرا تحيا مصر وقال: "أنا مكنتش شايف قدامي بعد الحادث ومش مركز وتفاجئت من كلامه الغريب في وقت الناس كلها بتساعدني، وهو مفكرش يساعدني يعني كنت جوه العربية بموت، والمفروض يشوفني لو معايا أطفال لكن ده واقف بيضحك ويقولي إيه اللي جابك قدامي".

وتابع ضحية حادث أحمد صلاح حسني قائلًا: "اتصلت بولادي وطلبنا النجدة وجت عاينت وصورت، وأثبتت كل حاجة وطلبوا مننا نروح القسم ركبت في عربية الشرطة، والباشا قال أنا مينفعش أركب عربية الشرطة".

ضحية حادث أحمد صلاح حسني: طلبت أبص على المحضر وأترفض

وأكد ضحية حادث أحمد صلاح حسني أن منع من رؤية ورق المحضر، وعلق قائلًا: "روحت القسم فضلت أكتر من ساعة ونص مستني الباشا الفنان يجي، وتفاجئت الباشا جاي بعربية تانية ومعه 4 محامين ودخل للمأمور، وعملنا المحضر وبالنسبة له كل حاجة تمام وطلبت أبص على المحضر أترفض".

ضحية حادث أحمد صلاح حسني لـ تحيا مصر: عامل 42 مخالفة سرعة وطلب يتصالح معايا لأنه غلطان

خاص| ضحية حادث أحمد صلاح حسني: كان ماشي بسرعة جنونية.. واستهزء بيا وقالي إيه جابك قدامي

وتابع محمد وكشف كان وضعه بعد الحادث وقال: "وقتها جسمي كله ورم والدم في كل حتة روحت عملت تقرير طبي في المستشفى وروحت للنائب العام، قدمت مذكرة والتقرير الطبي وصور العربية اتحولت القضية من مخالفة لجنح وإتلاف ودلوقتي قدام المحكمة".

ضحية حادث أحمد صلاح حسني: دمرلي كل حاجة ومكبر دماغه

ومن جانبه، تحدث محمد عن معاناته بسبب هذا الحادث وقال: "أنا مهندس ولكن الدخل محدش يقدر يعيش به أنا عندي 4 أولاد في الجامعة بدل ما الواحد يمشي غلط قررت اسلم عربية مراتي للإحلال واشتريت عربية جديدة أقدر أشغلها".

وأضاف محمد: "الفنان دمر لي الدنيا كلها ولحد النهاردة مدفعتش الأقساط وكل حاجة خربانة خالص، وهو طبعا مكبر دماغه ومش فارق معه حاجة، وأنا أخبط دماغي في الحيط، نص العربية مش موجود يعتبر مبقاش في شنطة ولا كنبة ورا ولا سقف كل ده اتقفل ومبقاش في عربية".

وتابع محمد منهارًا وقال: "ده من ستر ربنا حافظني العربية اتقفلت على الكرسي اللي قدام وستر ربنا أني طلعت منها سليم والحمد لله أني مكنش معايا حد من الأسرة، كان ابني مصيره كان هيتعجين والحمدلله أن العربيات دي غاز طبيعي، وكنت لسه ماليها غاز يعني قنبلة في الشنطة ولو انفجرت كانت ولعت فيا وفي العربيات اللي جنبي وتبقى كارثة".

ضحية حادث أحمد صلاح حسني: العربية بقيت حمل عليا

وأكد محمد أنه يعاني منذ الحادث وقال: "الحمدلله ربنا عارف الظروف أن عندي أولاد العربية بقيت حمل عليا مرمية حتة حديدة في أقساط عليا، والبنك ميعرفش أبوه القسط في الشهر 5.5 آلاف لمدة 10 سنين ربنا موجود يعني هعمل إيه".

ووجه محمد رسالة لأحمد صلاح حسني وقال: "أنا مستغرب بينام إزاي بيجيله ضمير ينام إزاي ربنا موجود حسبي الله ونعم الوكيل، ربنا قال من أتلف شيء عليه إصلاحه وزي ما دمر لي العربية يوفر لي عربية زيها وده المفروض كان يحصل من شهر 12 اللي فات".

وكشف محمد كيف تعامل معه أحمد صلاح حسني وقال: "لما اتحولت القضية لمخالفة في الأول كبر دماغه وعملي بلوك وآخر رسالة بعتها له لو هتستخبى منى هتروح من ربنا فين، متحركش إلا لما اتحولت من مخالفة لجنح واحتمال يتحبس الورق اللي قدمناه أنه متعمد الإهمال في خلال شهرين عامل 42 مخالفة سرعة واستعمال التليفون أثناء القيادة وقبل الحادثة بيوم عامل 4 مخالفات ومتصور".