خاص| ضحية حادث أحمد صلاح حسني: كان ماشي بسرعة جنونية.. واستهزء بيا وقالي إيه جابك قدامي

كشف ضحية حادث أحمد صلاح حسني ملابسات الحادث في التجمع عند كوبري أربيلا، بعدما طلب أحمد صلاح حسني أن يتصالح مع المدعي عليه حيث أثبت أنه قام بـ 42 مخالفة سرعة استعمال التليفون أثناء القيادة.

ضحية حادث أحمد صلاح حسني: كنت شاري عربية نيسان سنترا من نظام الإحلال

تحدث محمد ضحية حادث أحمد صلاح حسني عن بداية الحادث عام 2023، لكاميرا تحيا مصر وقال: " الحادث كان يوم 17 ديسمبر 2023 كنت راكب عربيتي بيسان سنترا موديل 2022 كنت ليه شاريها جديدة من نظام الإحلال بتاع سيادة رئيس الجمهورية، على أساس أني اشتغل بها وأسد قسطها لمدة 10 سنين والمبلغ اللي ربنا يكرمني به يساعدني في العيشة كلما بندور على لقمة حلال نعيش بها".

وأضاف ضحية حادث أحمد صلاح حسني قائلًا: "للأسف بليل وأنا مروح في كوبري أربيلا بعد الكوبري بشوية في مطب صناعي الدولة اللي عاملاه مش أنا اللي عامله ميقلش عن 60 أو 70 سم قدام مدرسة ثانوية عامة، وشيء طبيعي أني جيت عند المطب وهديت السرعة".

"خليته يكلم العيلة كلها".. سيدة تلتقي صدفة الفنان محمد رجب وتجعله بتواصل مع عائلتها بالكامل |صور

بعد عرض اسمه على طائرات خاصة قبل حفله بالعلمين.. تامر حسني: فخور بتقديركم لي بهذا الشكل

ضحية حادث أحمد صلاح حسني: كان ماشي بسرعة جنونية

وسرد ضحية أحمد صلاح حسني تفاصيل الحادث، وقال: "من حظه الحلو أن مفيش رادار لأن الكوبري جديد نازل بسرعة جنونية خدني وشالني من فوق الكوبري التكسير الازاز من عند المطب بالظبط لحد مدرسة المصرية للغات وساحبني قدامه ومستعملش الفرامل".

ضحية حادث أحمد صلاح حسني: نزل يضحك ويقولي إيه اللي جابك قدامي

واختتم محمد ضحية حادث أحمد صلاح حسني مؤكدًا أنه استهزء به بعد الحادث ولم يهتم لأمره ولم يستعمل الفرامل نهائيًا، وعلق قائلًا: "النيابة لما جت وعاينت أكدت أنه مستعملش الفرامل والناس حاربت عشان تطلعني من العربية ولما نزلت من العربية وقعدت على الأرض لقيت الفنان نازل يضحك ويستهزء ويقولي أنت إيه اللي جابك قدامي بدل ما يشوفني بالدم اللي نازل مني لكن بيستهزء بيا وأنا مكنتش قادر اتكلم".