أكرم حسني يكتب أغنيتين لأنغام في ألبومها الجديد تيجي نسيب| تفاصيل

كشف الفنان أكرم حسني عن مشاركته في ألبوم المطربة أنغام الجديد من خلال كتابة أغنيتين، وذلك من خلال منشور عبر حسابه الشخصي على موقع التواصل الاجتماعي فيسبوك.

مشاركة أكرم حسني في ألبوم أنغام

وكتب أكرم حسني في منشوره الذي يرصده موقع تحيا مصر: ألف مبروك يا نغومة.. وألف مبروك لكل صناع ألبوم تيجي نسيب.. بفرح وبستنى أغانيكي دايماً عشان دايما مختلفة وإحساسك بيوصل عشان حقيقي.. فرحان زيادة النهاردة أني شاركتك في غنوتين تيجي نسيب، خليك معاها.

تفاصيل أغنية تيجي نسيب لـ أنغام

ومن الجدير بالذكر أن أغنية تيجي نسيب لـ أنغام من كلمات أكرم حسني، ألحان إيهاب عبد الواحد، وتقول كلماتها: تيجي نسيب، تيجي نجبها في النصيب، تيجي نقول محناش لبعض وبنا بعد تغيب واغيب، تيجي نضيع، تيجي احنا الاتنين نبيع، بجي نعلق في المشانق مين مخنوق ومين الخانق يلا نشهد الجميع، احتمالات الفراق كل يوم بتزيد ما بينا حتى لحظات الاتفاق بينا قلت سنة سنة، الملل لا يحتمل، راح الأمل خد حتة منا ، بقا بعدنا أريح لنا، بقا كرهنا باين في عينينا الملل لا يحتمل، راح الأمل خد حتة منا بقا بعدنا أريح لنا، بقا كرهنا باين في عينينا، تيجي نسيب، ما تبصليش في حاجات ما بتتحكيش ابعد وروح دوس في الجروح موت في ناس علشان تعيش مبروك عليك، مبروك اللمعة اللي في عينك مبروك خلاص انت انتصرت وأنا انكسرت وانهزمت وبإيديك، حرام عليك، احتمالات الفراق كل يوم بتزيد ما بينا حتى لحظات الاتفاق بينا قلت، سنة سنة.

أكرم حسني يحتفل بتخرج ابنته من المدرسة: مبروك يا حبيبة أبوكي

أكرم حسني يشيد بـ فيلم ولاد رزق 3: فخر لكل مصري وسعودي أننا نوصل لهذه الدرجة من الإبهار

تفاصيل أغنية خليك معاها

كما جاءت أغنية خليك معاها من ألبوم أنغام الجديد من كلمات أكرم حسني، ألحان إيهاب عبد الواحد، وتقول كلماتها: خليك معاها.. وبلاش تفكر مبقيتش قادرة.. والحيرة ديا مستصعباها.. اني ابقي جنبك بس انت قلبك.. مش ملك ليا... حبتني جايز.. كانت محاولة مين فينا اولي.. انا ولا هي.. لا هي طبعا.. وبلاش نجمل انا لو هاكمل.. ها تضحي بيا بتروح لها وترجعلي لما ف يوم تمل وانا حبي ليك عمال يزيد وانا باقل انا مش طريقها سمح بأنك فيه تضل كان نفسي أعيش وياك ف نور.. كفاية ضل.. هتروح لحالك.. وهاروح لحالي بس الليالي.. الحلوة شاهدة انا كنت راحتك.. لكن براحتك بكره الليالي.. هتفوت وههدي انا مش هحارب.. علي باب موارب كان اختيارك.. والرد جالي.. ده انا شفت قسوة.. لو كنت اسوي عندك حقيقي.. متوريهالي.. بتروح لها وترجعلي لما ف يوم تمل.. وانا حبي ليك عمال يزيد و انا باقل.. انا مش طريقها سمح بأنك فيه تضل.