ريهام سعيد عن ريهام حجاج: وقفت جنبي وتخلصت من الاكتئاب بسبب تشجيعها

وجهت الإعلامية ريهام سعيد رسالة شكر للفنانة ريهام حجاج وقالت إنها ساندتها في محنتها الأخيرة التي كانت تمر بها مؤخرًا، مشيرة إلى أن كل من يهاجم ريهام حجاج فهذا بسبب عدم استطاعته بأن يكون مثلها.

ريهام سعيد: ريهام حجاج وقفت جنبي وهي ماتعرفنيش

نشرت ريهام سعيد منشور عبر حسابها الرسمي بموقع تبادل الصور والفيديوهات الإنستجرام، رصده لكم موقع تحيا مصر ووجهت من خلاله رسالة شكر للفنانة ريهام حجاج.

وقالت من خلاله ريهام سعيد عن ريهام حجاج: "وقفت جنبي وهي ماتعرفنيش شجعتني وفضل عندها إصرار أنها تقومني من اللي كنت فيه، وهي مالهاش أي مصلحة ولا محتاجة حاجة من حد أنتي اللي بيقولوا عليه ابن ناس بجد وجدعة بجد".

ريهام سعيد: تخلصت من الاكتئاب بسبب تشجيع ريهام حجاج

وأكدت ريهام سعيد أن الهجوم الذي تتعرض له ريهام حجاج بسبب تميزها، وقالت: "أي حد طلع عليكي كلمة أو اختلف معاكي كان أسود مضايق بس منك، عشان مش عارف يبقى في طيبتك ولا يبقى زيك أنا تخلصت من الاكتئاب بسبب تشجيعك، ربنا هيفضل معاكي عشان أنتي كويسة بجد من قلبي شكرًا".

نهى العمروسي: بطلت رجالة وبشرب سجاير.. وبالنسبالي أسعد لحظة في الجواز الطلاق

إلهام شاهين تحتفل بعيد ميلاد كارول سماحة على البحر| صور

ريهام سعيد تعلق على أزمة شيرين عبد الوهاب وحسام حبيب

وعلى صعيد آخر، علقت ريهام سعيد على أزمة شيرين عبد الوهاب وحسام حبيب، بعد تداول مقطع فيديو مسرب لـ شيرين عبد الوهاب وهي تكسر الاستديو بعد وقعة الاعتداء عليها بالضرب المبرح من قبل حسام حبيب.

وقالت ريهام سعيد من خلال برنامجها هي وصبايا المذاع عبر شاشة قناة هي: "أنت لو بتحبها مش هتقول فيديو زي ده تفضحها به وهي في الحالة دي، الاستوديو اللي شيرين كسرته هي اللي عاملاه بفلوسها، لو يا حسام هتذيع الفيديو يبقى تقول إنها عملت كده وهي مضروبة".

واستنكرت ريهام سعيد ما فعله حسام حبيب مؤكدة أنه سرب الفيديو حتى يغطي على ما فعله في حق شيرين عبد الوهاب، وقالت: "لما تنزل فيديو زي ده يبقى عايز توري جمهورها إيه وعمومًا الناس هتفضل تحب شيرين عبد الوهاب، أنت ضربتها وبتحاول تخبي على عملتك بالفيديو ده".