مي كساب: أنا وزينة في اللوكيشن ضراير.. حلمي حياتي صورتي تكون جنب أحمد السقا بالأفيش
![تصريحات مي كساب]( /UploadCache/libfiles/43/9/600x338o/91.jpg)
ADVERTISEMENT
تحدثت الفنانة مي كساب عن علاقتها بالفنان أحمد السقا بالإضافة إلى مشهد زواج أحمد السقا وزينة في مسلسل العتاولة، وعن علاقتها بالسوشيال ميديا في برنامج الراديو بيضحك للإعلامية فاطمة مصطفى.
مي كساب: لما زينة تدخل اللوكيشن بنقلب ضراير
كشفت مي كساب كواليس مشهد زواج أحمد السقا وزينة في مسلسل العتاولة وكيف كانت اللوكيشن بينهم، في تصريحات لبرنامج الراديو بيضحك، رصدها لكم موقع تحيا مصر.
![](/Upload/libfiles/43/9/86.jpg)
حيث قالت: "لما زينة تدخل اللوكيشن بنقلب ضراير قاعدين وأقوله مش عارفة هي عجباك على إيه الناس كلها عايزاك مع عائشة ويوم فرحهم قولت لكل الكاست خونة، وقولت لأبويا قاعد في الفرح ليه أنت تقعد متضايق وتقوم تمشي من الفرح ده".
مي كساب: اشتغلت في العتاولة ليوم 27 رمضان
وأضافت مي كساب قائلة: "وقت التصوير مش بتابع ردود الأفعال خاصة أن السنة دي فضلنا نشتغل ليوم 27 رمضان، دي كانت مأساة كبيرة وكنت منعزلة تمامًا ومجتمع السوشيال ميديا بالنسبة لي تلت أرباعه وهمي وبوستات مدفوعة مع احترامي للجميع، كنت فاصلة نفسي عن العالم ده تمامًا لكن طبعا بفرح خاصةً أن حد عمل لي فيديو كلامه أسعدني وأثر فيا".
![](/Upload/libfiles/43/9/87.jpg)
وعبرت مي كساب عن سعادتها بنجاح مسلسل العتاولة، وقالت: "مبسوطة بالنجاح وشايفة أننا رقم واحد في رمضان الحمد لله وأعلى نسبة مشاهدة على MBC، ده فرحني بس كنت لسه عايزة رد فعل الشارع لأني جربته وبحبه".
مي كساب: أحمد السقا طول عمره أخ وصديق
وعلى صعيد آخر، تحدثت مي كساب عن علاقتها بالفنان أحمد السقا، وقالت: "أحمد السقا طول عمره أخ وصديق وجدع ونجم كبير، قولتله لما صورتي اتحطت جنبه على الأفيش ده كان حلم من ضمن أحلامي، إن يكون ليا عمل سواء سينمائي أو تلفزيوني معه وأكون جنبه الأفيش، دي حاجة على المستوى الإنساني والمهني بسطاني".
مي كساب: أحمد السقا أطيب وأجدع وأنقى شخص
واسترسلت مي كساب حديثها عن أحمد السقا وقالت: "هو أطيب وأجدع وأنقى شخص وفيه كل الصفات الحلوة، نجم كبير أوي بيحب زمايله وبيحتويهم ومهتم بكل اللي حواليه، ملتزم ومحترم أول واحد في اللوكيشن حافظ مشهده ومذاكر وعارف كل التفاصيل بتاعتنا كلنا".