فكرت اعتزل بسبب البهاق ومنعت زوجتي من الغناء لأنها مش شغلتها.. أبرز تصريحات رامي جمال

كشف الفنان رامي جمال عن سبب قراره اعتزال الغناء من قبل، بعد تعرضه لمواقف محرجة بسبب إصابته بمرض البهاق، وسبب منعه لزوجته ناريمان من الغناء، من خلال تصريحات لـ برنامج معكم منى الشاذلي.

رامي جمال يكشف موقف محرج تعرض له بسبب البهاق

تحدث رامي جمال عن أزمته مع مرض البهاق في البداية، في تصريحات لبرنامج معكم منى الشاذلي، رصدها لكم موقع تحيا مصر، وقال: " كنت خارج وفي حد كان جاي بيمد إيده ويسلم وأول ما أنا مدت إيدي راح عامل نفسه بيوطي بيربط الجزمة، قال لي مبسوط جدًّا إني شوفتك وقام داخل على طول قبل ما يسلم عليا".

وأشار رامي جمال لموقف جمعه بأحد الفنانين، وقال: "في يوم فنان كبير شافني في الاستديو، قالي رامي خلي بالك شغلنا ده بيركز على الشكل قبل الصوت، وفي اللحظة دي قررت أعتزل وكتبت ده على الفيس بوك عندي".

وأضاف رامي جمال قائلًا: "لكن البلاء ده وضح لي قد إيه الناس بتحبني وجواهم إنسانية، وجالي مكالمات ودعم من الوطن العربي كله".

مسلسل سيمبسون وعلاقته بـ محاولة اغتيال دونالد ترامب؟

الصور الأولى من حفل زفاف ابنة محمد فؤاد في الساحل الشمالي

رامي جمال: في ناس قالت اني بنتهي فنيًا بسبب مرضي

ومن جانبه تحدث رامي جمال عن معاناته مع المرض، وقال: "كنت بصحى من النوم ألاقي نقطة ومش عارف دي من إيه والدكتور قال لي ده بهاق ولازم نسيطر عليه، عشان البهاق بينتشر، وفي ناس قالت أني بنتهي فنيًا بسبب مرضي".

أبرز تصريحات رامي جمال عن منعه لزوجته من الغناء

وعلى صعيد آخر، تحدث رامي جمال عن بداية علاقته بزوجته ناريمان وقال: "تعرفت على ناريمان زوجتي وهي كانت جاية تاخد لحن، وشوفتها وعجبتنى وهى بتتكلم وطريقة الكلام كانت عاجبة وداني".

وأضاف رامي جمال قائلًا: "حسيت إن روحى تآلفت معاها، ولما شفتها قولت آه لو عندى حد ممكن أغني له لوحده، ودن مش هيزعل جمهوري، واتفاقى مع ناريمان بالابتعاد عن الغناء، بسبب إنى شايف إن الغناء مش شغلتها، منعي لغنائها مش حرمانها من الورث اللي ربنا وهبه لها أنا بخليها تغني".

وعلقت ناريمان على قرار رامي جمال بعدم غنائها وقالت: "رامى عقد معايا اتفاق إني أبطل غناء ونتزوج، وأنا مرتاحة مع القرار ومش ندمانة، ومش حاسة أني بعدت عن المجال، لأنه بياخد رأيي في أغانيه وألحانه".