أحمد صيام يكشف سبب إصابته بسرطان الرئة: مستحيل تشوفيني من غير سيجارة

كشف الفنان أحمد صيام عن إصابته بسرطان الرئة ورحلة علاجه من خلال لقاءه ببرنامج الستات للإعلاميتين مفيدة شيحة وسهير جودة عبر قناة النهار.

أحمد صيام: ومستحيل تشوفيني من غير سيجارة

تحدث أحمد صيام عن إصابته بسرطان الرئة خلال برنامج الستات، في تصريحات رصدها لكم موقع تحيا مصر، حيث قال: "أنا كنت مدخن شره جدًا، أحيانًا كنت بشرب 6 علب سجاير، ومستحيل تشوفيني من غير سيجارة، أول ما أصحى لغاية ما أفطر بشرب 6 أو 7 سجاير".

وكشف أحمد صيام سبب ابتعاده عن التدخين، وقال: "جيت في لحظة صحيت من النوم بحس الدنيا مهزوزة وقتها قولت إيه اللي أنا فيه ده  الوقت ده خوفت وقررت ماشربش سجاير، دخلت المكتب ورميت السجاير اللي عندي، وقولت مش هشرب تاني".

وصلت 120 الف جنيه.. سعر تذاكر حفل عمرو دياب بعد فتح الحجز

«يأجوج ومأجوج» قصة فيلم gog and magog movie وموعد العرض الرسمي

أحمد صيام يكشف إصابته بسرطان الرئة

ومن جانبه، كشف أحمد صيام كواليس إصابته بسرطان الرئة، حيث قال: "روحت للدكتور أكشف وبعد ما عملت التحاليل والأشعة فجأة لقيته بيقولي فيه سرطان في الرئة، مرات أخويا دكتورة قالت لي لازم ناخد عينة ونحلل ونمشي في طريق العلاج".

وأوضح أحمد صيام رد فعله بعد معرفته بمرضه سرطان الرئة وقال: "قولت لها لا هنحلل ولا هنعمل ومتجبيش سيرة لحد وهنسيب الجثة مقفولة لغاية لما نسلمها لأصحابها، وروحت للدكتور وقال لي الورم على فص من الفصوص الثلاثة اللي في الرئة اليمين وإحنا هندخل نشيل الفص ده كله، قلت له تمام".

أحمد صيام: لما اتقال لي عندك سرطان حسيت إني مضغوط وهقع

والجدير بالذكر أن أحمد صيام تحدث عن رد فعل زوجته وعائلته بعد معرفتهم بإصابته بسرطان الرئة، وقال: "مراتي وقتها عرفت هي وكل أخواتي ولما اتقال لي عندك سرطان حسيت إني مضغوط وهقع، وعيالي وقتها كانوا صغيرين بيبهات".

ولكن أشار أحمد صيام أنه لا يجب أن يخشى الموت ولذلك قرر إجراء العملية الجراحية: "بعد شوية قلت لنفسي إيه المشكلة أخاف من الموت علشان إيه، عملت الجراحة وأنا داخل العمليات كنت بضحك وكل اللي حواليا قلقان وأخدت كيماوي بعد الجراحة، و3 جرعات وقائية، وكل 6 شهور بعمل فحوصات من 2007".