أوكا: أنا أعلى أجر في المهرجانات وعم الشغلانة .. ومسلم مسيطر على المهرجانات استماعًا

علق المطرب أوكا على المهرجانات في وجود مسلم وعصام صاصا بجانب وجود حسن شاكوش وعمر كمال وحمو بيكا، وكشف كواليس تعاونه مع جواهر في تراك كاريونيتا من خلال لقاءه ببرنامج رؤيا مصر.

أوكا: مسلم مسيطر على المهرجانات استماعًا بعده عصام صاصا

كشف أوكا المطربين المسيطرين على المهرجانات في الوقت الحالي، في تصريحات مع برنامج رؤيا مصر رصدها لكم موقع تحيا مصر، حيث قال: "اللي مسيطر على المهرجانات استماعًا مسلم بعده عصام صاصا، والفرق بينهم أن مسلم لكل الفئات لكن عصام صاصا له ناس بتحبه وتسمعه".

وتابع أوكا قائلًا: "عمر كمال وحسن شاكوش وحمو بيكا هما اللي مسيطرين على السوشيال ميديا كفيديوهات لكن تراكات مسلم طبعًا".

أوكا: أنا أعلى أجر في المهرجانات وعم الشغلانة

وبسؤاله عن من صاحب أعلى أجر في المهرجانات قال أوكا: "سوق المهرجانات مكسر الدنيا وفي فترة قل شويه والراب اتصدر ودلوقتي رجعت تاني المهرجانات، وأنا أعلى أجر في المهرجانات وعم الشغلانة".

ومن جهة أخرى كشف أوكا عن كواليس تراك كاربونيتا وقال: "كنت عايز أعمل تراك جديد أخدت وقت كبير في الفكرة لأنها أصعب حاجة ولكن التنفيذ ماخدش وقت، وكنت بسمع مي كساب التراك وقولت لها عايز صوت مش مصري مي اقترحت جواهر".

وتابع أوكا قائلًا: "3 شهور فضل التراك مركون وبعدها كلمنا جواهر ولما سمعته قالت يلا بينا لأنه فكرها بأول تراك يا حمادة".

ووجه أوكا رسالة لزوجته مي كساب وابنته فريدة وقال: "بحبكم جدًا وأغنية كاربوينتا لأن فريدة شبه مامتها جدًا في كل حاجة".

مواعيد العرض الثاني لمسلسل الحشاشين والقنوات الناقلة| تفاصيل

لطفي لبيب: إضافة اسمي للمكرمين شيء يفرح.. مهرجان الزمن الجميل مش للمسنين

وعن لقب عم الشغلانة قال أوكا: "طول ما الواحد بيجتهد وبيشتغل على نفسه وبيقدم شغل وبيثبت ده للناس خلى الناس هي اللي تلقبك"، أما عن الانتقادات التي تواجهه قال أوكا: "اللي ينتقد ينتقد لكن الرد من الشغل واشتغل للناس اللي بتحبك واللي بينتقدك هيكون من جمهورك".

تراك كاربونيتا لـ أوكا وجواهر

يعد تراك كاربونيتا بمثابة عودة جواهر للغناء بعد غياب دام سنوات طويلة، وتراك كاربونيتا من كلمات وألحان وتوزيع أوكا وتم تسجيلها في الاستديو الخاص به.