صابرين: الملحد من أجرأ وأحسن الأفلام.. عشت قصة مسار إجباري في الحقيقة

علقت صابرين على تأجيل عرض فيلم الملحد حتى الآن من خلال لقاءها ببرنامج الراديو بيضحك للإعلامية فاطمة مصطفى، كما كشفت تفاصيل لأول مرة عن مسلسل مسار إجباري.

صابرين: الملحد من أجرأ وأحسن الأفلام

أشادت صابرين بفيلم الملحد من خلال تصريحاتها في برنامج الراديو بيضحك، رصدها لكم موقع تحيا مصر، وبسؤالها عن سبب تأجيل عرضه قالت: "معرفش ليه لحد دلوقتي منزلش، مع أنه أجرأ وأحسن وأهم الأفلام، اللي المفروض تتعرض في وقتنا ده".

صابرين: عشت قصة مسار إجباري في الحقيقة

وكشفت صابرين أنها قد عاشت قصة مسلسل مسار إجباري في الحقيقة، قائلة: "كنت عايشة قصة مسار إجباري في الحقيقة كنت عايشة لولادي عشان الدنيا تمشي عشان كده الناس صدقت دوري".

ومن جهة أخرى، أشادت صابرين بـ عصام عمر وقالت عنه: "عصام عمر شبه كريم عبدالعزيز وأحمد عز وهما صغيرين هو الجان المصري الحلو وابتسامته فيها طيبة".

صابرين: منى زكي شاطرة وذكية.. وفيلم أم كلثوم هيصرف كتير إنتاجيًا

هاف ستوماك .. مي سليم تبرز جمالها بإطلالة مثيرة للجدل

صابرين تتحدث عن زواجها من المنتج عامر الصباح لأول مرة

وعلى صعيد آخر، تحدثت صابرين لأول مرة عن زوجها المنتج عامر الصباح، وقالت: "كان متزوج بنت عمه وكان على خلاف معاها في الفترة دي، وبدأت شرارة الحب تحصل، وأنا قولت ليه هدخل نفسي في المتاهة دي، ووالده توفي وهو سافر وبعدنا عن بعض، وهو انفصل عن زوجته الأولى واتجوز تاني، وأنا اتجوزت وانفصلت واتجوزت تاني وانفصلت".

واختتمت صابرين قائلة: "فجأة لقيت رقم لبناني بيتصل عليا، كنت فاكراه برنامج وطلع عامر الصباح، سلم عليا وقالي أنتي بجد اتطلقتي؟ أنا مسافر لندن وهرجع أتجوزك، اللي بعدنا الـ 32 سنة دول أنا لازم أتجوزك دلوقتي حالًا بلا مقدمات، قولتله أنا عندي 3 رجالة، قالي سيبي كل حاجة حلوة في وقتها، وفجأة حسيت أني بنت ولادي مش أمهم".

صابرين: مبحبش أتكلم عن حياتي الشخصية لأني عندي أولاد

أما عن انفصالها عن زوجها السابق قالت صابرين: "ناس قليلة جدًا اللي عرفوا أني اتطلقت وأنا مبحبش أتكلم عن حياتي الشخصية لأني عندي أولاد، وسنوات من العمر احترمها والعِشرة متهونش إلا على ولاد الحرام، وكل حد كان في حياتي مرحلة بشكره عليها، والنصيب ربنا كاتبه من قبل ما نتولد ومالناش دخل فيه".