عاجل
الخميس 04 يوليو 2024 الموافق 28 ذو الحجة 1445
رئيس التحرير
عمرو الديب

قبل أولى الجلسات.. اعترافات المتهم بقتل طفل شبرا الخيمة

طفل شبرا الخيمة والمتهم
طفل شبرا الخيمة والمتهم

تنظر محكمة جنايات شبرا الخيمة أولى جلسات محاكمة المتهمين بقتل طفل شبرا الخيمة غدا الثلاثاء، ويرصد موقع تحيا مصر اعترافات المتهم الرئيسي في قضية مقتل طفل شبرا الخيمة.

اعترافات المتهم بقتل طفل شبرا الخيمة 

وقال المتهم طارق أنور - 29 سنة ويعمل قهوجي، خلال اعترافاته بالقضية، اللي حصل إني من 11 سنة تركت بيت أهلي واتمرمط في الشوارع من مكان لمكان ومكنتش لاقي حتة أقعد فيها وفي شهر سبتمبر عام 2023 اتعرفت على واحد أسمه محمد عزت وشهرته «أبو حمزة» عن طريق صفحة على الفيسبوك وطلع سمسار أعضاء بشرية بيوفق المتبرعين بالمرضى مقابل مبالغ مالية، وقالي ساعتها إني ممكن ابيع كليتي مقابل 170 ألف جنيه.

وتابع المتهم في اعترافاته، جابني بيت في شبرا الخيمة ونزلت اشتغل في قهوة لحد ما عملت عملية استئصال الكلية اليسرى في مستشفى، وبعت كليتي مقابل 170 ألف جنيه، اخدتهم من أهل المريض في كافتيريا المستشفى ورحت، وفي يناير 2024 صاحب القهوة مشاني من الشغل عشان شديت معاه في الكلام وكلمته بطريقة سيئة جدا، وقعدت في البيت اللي استئجرته في شبرا الخيمة، وفرشته كويس بس الفلوس كانت بدأت تخلص.

أقوال قاتل طفل شبرا الخيمة

وأكمل المتهم بقضية شبرا الخيمة، دخلت على صفحات التبرع بالأعضاء البشرية على الفيسبوك ودونت بيانات المرضى والمتبرعين علشان أحاول أوفق بين الحالات بس معرفتش عشان سكتها كانت صعبة فأنا عملت منشور على الصفحات بصفحتي الشخصية عرضت فيه بيع فص كبد من عندي ولقيت واحد اسمه علي خالد من برا مصر من الكويت تواصل معايا على رسائل الخاص، وقال إن في مشروع أحسن من التبرع ، وهو أني أجيب طفل من 7 سنين لـ 18 سنة بشرط يكون رفيع مش تخين وأخذ عينات منه هتتباع بملايين.

وأضاف المتهم قائلا في اعترافاته، كنت أعرف المرحوم أحمد سعد من شغلي في قهوة العديني وترددي عليها مزبون بعد ما سبت الشغل فيها، وكنت بديله شيكولاته وبعطف عليه، ومكنتش أعرف غيره وبعت صورته لـ علي وقالي تمام وقالي هناخده وتاخده عندك الشقة تؤخذ العينات، وأنه بيكلمني فيديو يشرح لي أعمل إيه علشان اخد العينات دي، لإني مكنتش فاهم حاجة غير انه عايز شوية دم وخلاص، وقبل يوم التنفيذ بعتلي قائمة بالحاجات اللي محتاجينها وكلمت عامل توصيل في صيدلية جنب القهوة وبعتله القائمة قولتله أنا محتاجها عشان أخويا عيان.

إحالة قاتل طفل شبرا الخيمة للجنايات

الأدوية كان فيها منوم وامبولات وكانيولا وأنابيب وريدية وشاش وحاجات كتير تانية مش فاكرها، ورحت اخدتهم من قدام الصيدلية ودفعت 420 جنيه تقريبا، ويوم 15 أبريل 2024 أخذت أقراص مهدئة كتير علشان متوترش ومتترددش، وروحت قعدت على القهوة وأنا عارف أن أحمد بينزل من بيته دائما متأخر على 10 بالليل يروح السايبر يلعب، وبيجي القهوة يهزر مع الناس، وقعدت وهو جالي قلت له أنا جايبلك هدية في البيت، هنروح مع بعض اديهالك ونرجع تاني، وقولت له أمشي في الحارة اللي في وش القهوة وامشي لحد شارع رشدي وقابلته هناك ومشينا مع بعض وجبنا علبتين عصير وطحنت قرصين منوم في البيت وفضيت العصير في كوباية وقلبته وأحمد شربه.

علي كان كل شوية يتصل على الماسنجر يقولي هيدوخ دلوقتي ولما يدوخ صور هولي ابعتلي الصورة، وفعلا ابتدا يدوخ ومسكت راسه شربته منوم تاني بالعافية راح في النوم، وعلى كلمني فيديو وقفل الصورة بتاعته هو وكان شايف اللي أنا بعمله وقالي هات حبل اخنقه بيه عشان تسحب العينات فجبت حزام وجيت اخنقه لقيته قام ورجع تاني على ظهره خنقته وبعدها متحركش خالص، وقالي علي قلعه كل هدومه، وهات سرنجة وافتح أمبول وأسحبها فيه، جبت السرنجة وشديت السائل وسحبت الأمبول كله وركنتها وجبت مشرط جراحي وهو نايم على ظهره وعلي قالي دخل المشرط من تحت الرقبة بشوية ودوس عليه ونزلت بالمشرط لحد السرة.

أمرت النيابة العامة بإحالة المتهمين بقتل طفل والتمثيل بجثمانه، وعرض ذلك على المنصات الإلكترونية الخلفية لتحقيق الربح المادي، إلى محكمة الجنايات المختصة، لمعاقبتهما فيما نسب إليهما من وقائع القتل المقترن بالخطف والاشتراك فيه، وإحراز أسلحة بيضاء وذلك في القضية رقم ۹۸۰۰ لسنة ۲۰۲٤ جنايات قسم أول شبرا الخيمة السابق قيدها برقم ۱۸۲۰ لسنة ٢٠٢٤ إداري قسم أول شبرا الخيمة.

تابع موقع تحيا مصر علي