أحمد هارون عن شائعة ارتباطه مي عز الدين: هي أخت عزيزة وأصحاب لحد دلوقتي

حل الفنان أحمد هارون ضيف إلى برنامج كلام الناس مع الإعلامية ياسمين عز، وكشف من خلال الحلقة حقيقة ارتباطه بالفنانة مي عز الدين وقت عرض فيلم فرح، وتحدث عن والدته وكيف أثرت في شخصيته

أحمد هارون: مي عز الدين أخت عزيزة

نفى أحمد هارون شائعة ارتباطه بـ مي عز الدين أثناء فيلم فرح، من خلال تصريحات لـ كلام الناس، رصدها لكم موقع تحيا مصر، وقال: "مي أخت عزيزة بكن لها كل الاحترام والتقدير  أنا وهي أصحاب لحد دلوقتي كل يومين تلاتة بنتكلم".

وتابع أحمد هارون في نفس السياق وقال: "بعزها جدًا ومي كان التعامل معها جميل جدًا وهي اللي بتبادر بالكلام"، وبرر السبب في الشائعة: "الناس كانت شايفة من الحالة اللي في الفيلم، قبل فيلم فرح هي كانت عاملة بطولات قبل كده زي فيلم رحلة حب مع محمد فؤاد".

رامي جمال يتصدر تريند (X) بـ أغنية يا دمعي| تفاصيل

عمر كمال عن محمد فؤاد: كنت بروحله كل يوم عند بيته وأما قولتله قدمني قالي شوفلك برنامج أغاني

أحمد هارون عن والدته: كانت أحسن حد عليا

وبكلمات حب ورومانسية، تحدث أحمد هارون عن والدته وقال: "ماما لسه متوفية من سنة وهي كانت أحن حد عليا في الدنيا وجميلة، لما كانت بتصحى وتفتح شباكها الشمس كانت بتفرح والزرع اللي في بيتها بيفرح، لما بشم ريحة رخامة المطبخ بتاعها بشبع هي البركة والحنية والعطاء بدون مقابل".

وعن علاقتها بوالده قال أحمد هارون: "ماما أصلها تونسي وبابا مصر ولكن اتولد في إيطاليا، وماما سافرت روما مع 3 من أخواتها واتعرفت على بابا هناك واتجوزوا وعشنا هنا 9 سنين وبعدين استقرينا في مصر".

أحمد هارون: ماما أثرت في شخصيتي كتير وعرفتني يعني إيه سينما

وتحدث أحمد هارون عن دور والدته في تكوين شخصيته وقال: "هي اللي عرفتني يعني إيه سينما وعرفتني يعني إيه خيل وأنا كنت 6 سنين، ماما أثرت كتير في شخصيتي وأكتر جملة كانت بتقولها ليا ربنا يحبب فيك خلقه".

آخر أعمال أحمد هارون

والجدير بالذكر أن آخر أعمال أحمد هارون فيلم سبوية والذي عرض عام 2012 وقد حقق نجاحًا كبيرًا، بعد اختفاءه طويلًا عن الأضواء.

وشاركه في بطولة فيلم سبوية كل من راندا البحيري، خالد حمزاوي، شريف سمير، وغيرهم من الفنانين، ومن تأليف وإخراج بيتر ميمي.