عمر كمال عن محمد فؤاد: كنت بروحله كل يوم عند بيته وأما قولتله قدمني قالي شوفلك برنامج أغاني

تحدث مطرب المهرجانات الشعبية عمر كمال عن رفض الفنان محمد فؤاد مساندته في بدايته الفنية رغم سعيه الكبير للوصول له، مشيرا إلى أنه أدرك هذا التصرف بعد شهرته حيث وجد نفسه يفعل تفسر الشيء مع من يطلب منه مساندته.

عمر كمال: كان غايتي أقابل محمد فؤاد حتى لو هشتغل عنده بوفيه 

وقال عمر كمال في تصريحات تليفزيونية رصدها موقع تحيا مصر: أنا واحد غايته في الحياة إنه يقابل محمد فؤاد وعايزه يديني أي كتف إن شاء الله أشتغل عنده في البوفيه. هتعلم منه أي حاجة، كنت بروح كل يوم عند بيته ومبيجيش.

وتابع حديثه، قائلا: وبعدين لما جه رمضان، لقيت واحد طالع يمسح العربية، عرفت إن محمد فؤاد جاي، فرحتله وقلتله أنا بعشقك وبحب فك وبشتري الشريط الأصلي مش المضروب، وبقعد في أول صف في حفلاتك في دريم بارك.. قالي ربنا يخليك يا عمورة تسلم يا حبيبي.

عمر كمال: قولت لمحمد فؤاد صوتي حلو وأما سمعني قالي روح قدم في برنامج صوت 

واستكمل عمر كمال: قولتله صوتي حلو ونفسي تسمعني، قالي سمعني، فغنيتله أغنية قلبي خبي لـ عبدالحليم حافظ، قاللي جدع، صوتك حلو وييجي منه، يلا ربنا يوفقك، ونادى على ولد يطلعله العربية.. قلتله يا أستاذ أنا جايلك عشان تديني كتف، قاللي يا عمر روح قدم في برامج أصوات كتير دلوقتي، لكن أنا مش بقدم حد.

و اختتم: هو برضه كان عنده حق. دلوقتي بيحصلي نفس الموقف وبقول نفس الرد وبقولهم اعمل أغنية ونزلها على التيك توك هتنتشر واعمل محتوى كويس.

عمر كمال: أمي رفضت تطلع عمرة بفلوسي

القصة الكاملة لتصوير عمر كمال وحسن شاكوش كليب غنائى مع راقصة في قصر البارون

عمر كمال: والدتي مش بتطلع عمرة بفلوسي

وكان قد أثار عمر كمال الجدل في الساعات الماضية بتصريحه عن رفض والدته لأداء العمرة بماله، فقال: ساعات بكدب على أمي لما بقولها إني مطلعها عمرة تقولي لا مش هطلع من فلوسك فأقولها ده واحد صاحبي عنده شركة سياحة مطلعك ببلاش عشان توافق تسافر.

وكان قد أثار عمر كمال الجدل في الأيام الماضية بعدما قام بنشر فيديو كليب لاغنيته الجديدة التي تجمعه بالمطرب حسن شاكوش ليظن الجمهور بأنه تم تصويره في قصر البارون ولكن نفت وزارة الآثار تلك التصريحات.