إصابات خطيرة في النخاع الشوكي .. تفاصيل وفاة التيك توكر أحمد مانو

أعلن مدرب الباركور عمر ياسر وفاة التيك توكر أحمد مانو إثر سقوطه أثناء إحدى التدريبات وأصيب بكسر في العمود الفقري ثم الوفاة.

وكتب عمر ياسر عبر حسابه الشخصي على موقع التواصل الاجتماعي للصور والفيديوهات انستجرام، « ربنا يرحمك ويغفرلك يا طيب! عيدك فى الجنة يا بطل.. ربنا افتكرك فى افضل ايامه»، وذلك وفقا لما رصده موقع تحيا مصر.

ماتت قدام الاستاد .. وفاة مشجعة النادي الاهلي يثير حزن الجميع| اخر ما نشرته

توقعت من 6 شهور .. ليلى عبد اللطيف تثير ضجة بوفاة قائد الطائرة

تفاصيل وفاة التيك توكر أحمد مانو 

وروى مدرب الباركور الشهير تفاصيل وفاة التيك توكر أحمد مانو عبر حسابه الشخصي على موقع التواصل الاجتماعي للصور والفيديوهات انستجرام، قائلا «كان بيتمرن عادى زى كل يوم و وقع على اول جزء من ظهرة (تحت رقبته بالظبط) على مرتبة .. فضل ساعتين من بعد الواقعة مش قادر يتحرك.. والاسعاف جت نقلته للمستشفى.. ولما عمل إشاعة مقطعية على ظهره لقو ان فيه فقرات فى ظهره اتحركت من مكانها وضغطت على الغضروف.. وقالو إن كل ده بس الوقعات المتكررة اللى كان بيعملها ف الشارع وديه حاجات متراكمة.. وكان محتاج يعمل عملية في النخاع الشوكى» 

وتابع عمر ياسر، «فضل ٨ ايام فى غرفة العمليات مش عارفين يعملو العملية بسبب ان فيه تورم بين فقرات ظهره ف كان لازم ياخد علاج عشان التورم يخف ويقدرو يعملو العملية.. للاسف حالته كانت بتسوء اكتر ومقدرش يستحمل.. وتوفى قبل ما يعمل العملية.. ادعوله بالرحمة والمغفرة».

وتابع، «حابب اوضح حاجه للناس اللى متعرفنيش او مش متابعة مانو من ساعة ما بدأ يتمرن معايه من السنة اللى فاتت.. انا فى الاول عرفت مانو عن طريق فيديوهاتو اللى بينزلها وهو بيقع فى الشارع! ولما اخدت بالى انه بيكرر الوقعات ديه يوميا».

واضاف، «قررت أكلمه واقوله يجي يتمرن معايه فى الاكاديمية اللى بمرن فيها.. عندنا وسائل امان كفاية انها تخليه يتمرن براحته من غير ما يحصله اى اصابة.. ومنعته تماما انه يمارس اى نوع من انواع التمارين لوحده فى الشارع! من ساعة ما بداء معايه تمرين وهو مبقاش بيقع الوقعات الخطر اللى كلنا كنا بنشوفها! بس للاسف كان عنده اصابات كتيرة فى ظهره من قبل ما يجي معايه.. ف للاسف مع الوقتك فيه اصابات متراكمة جسمه مقدرش يستحمل اكتر من كده وتوفى».

اخر كلمات أحمد مانو قبل وفاته

وأشار مدرب الباركور الى اخر ما قاله التيك توكر الشهير احمد مانو قبل وفاته، «اخر حاجه احمد مانو قالهالى قبل ما يتوفى.." اسف يا كابتن عمر.. اسف انى مسمعتش كلامك.. اشهد ان شاء الله واشهد ان محمد رسول الله".