نور التوت لـ حمو بيكا باكيا: علشان خاطر بنتك أديني حقي أنا اللي عملت المليارات دي

دخل مطرب المهرجانات نور التوت، في نوبة من البكاء على الهواء مباشرةً، بسبب أزمته مع مطرب المهرجانات حمو بيكا وذلك على خلفية أرباحه من قناة اليوتيوب.

نور التوت: حمو بيكا عملي محضر بس أنا عمري ما هعمل كدة 

وتابع نور التوت، خلال مداخلة تلفزيونية مع الإعلامية نهال طايل في برنامج "تفاصيل"، المذاع على قناة "صدى البلد 2"،  في تصريحات رصدها موقع تحيا مصر: "حمو بيكا عملي محضر وأنا رفضت أعمل محضر فيه، وناس كتير قالولي أعمل كده وأهلي.. بس أنا عمري في حياتي ما هعمل كده بس هو ظلمني وأنا بحبه وأخد شقايا وحقي مش هسيبه.

وأشار نور التوت، إلى أنه أتصل بـ عمر كمال وحسن شاكوش لكي يتدخلا في حل الأزمة بينه وبين حمو بيكا، ولكن بعدها رفض تدخلهما لأنهما أصدقاء وفي النهاية سيحدث مشاكل.

نور التوت يوجه رسالة لـ حمو بيكا: اديني حقي علشان خاطر ربنا 

ووجه نور التوت، رسالة لـ حمو بيكا :"لو ليا حق عندك علشان خاطر بنتك اللي لسه جايه، أديني حقي علشان خاطر ربنا.. أنا عملت المليارات دي من المشاهدات اللي قدمتها في الأغاني".

واختتم نور التوت، حديثه أن صوت حمو بيكا في الغناء أفضل منه، وأن أجره في الحفلات والمناسبات صغير للغاية والجميع يستطيع أن يطلبه في حفلات الزفاف.  

بيديني ملاليم.. نور التوت يكشف تفاصيل جديدة حول خلافه مع حمو بيكا

نور التوت يفتح النار على حمو بيكا: هفضحك.. انا اتسرقت في 200 ألف دولار

نور التوت: كان بياخد بالدولار ويقبضنا بالمصري 

وكان قد قال نور التوت في نفس اللقاء: حمو بيكا قال أني أخدت منه فلوس وعملي محضر.. إيه اللي يثبت على كلامه، حمو كان ماسك كل حاجه وكنا بنسافر  مع بعض حفلات في تونس ومكنتش بعرف الأجر اللي بياخده وكان بياخد القبض بالدولار ويقبضنا بالمصري.. أنا عمري ما شوفت الدولار.

وقال أيضا: انا اتسرقت في 200 ألف دولار وعلي قدورة وفيجو الدخلاوي من حمو بيكا، هتكلم عن نفسي الفلوس دي بتاعة القناة اللي احنا شقيانين عليها بقالنا 5 سنين خد الفلوس وبيقول انا دافع الضرائب، طب انا هروح الضرائب ونشوف الكلام دا.. احنا فلوسنا بيتركب بيها عربيات وبيتجاب بيها شقق إنا معايا عربيتي وشقتي بس مش هسيب تعبي وشقايا.