بيديني ملاليم.. نور التوت يكشف تفاصيل جديدة حول خلافه مع حمو بيكا

قال مطرب المهرجانات نور التوت، أن عمر كمال وحسن شاكوش طلبا الإنضمام لفرقة "الدخلاوية"، وأن قناة اليوتيوب التي تأسست منذ 8 سنوات كانت تابعة لجميع أعضاء الفرقة، وتم طرح عليها مجموعة من المهرجانات.

نور التوت: حمو بيكا بياخد ارباح من اليوتوب واكتشفت اني باخد ملاليم 

وتابع نور التوت، خلال مداخلة تلفزيونية مع الإعلامية نهال طايل في برنامج "تفاصيل"، المذاع على قناة "صدى البلد 2"، ورصدها موقع تحيا مصر :"حمو بيكا كان بياخد أرباح قناة اليوتيوب وبيوزع علينا نصيب كل شخص، ومن شهرين جبت حد متخصص في السوشيال ميديا قالي أنت يتاخد كام من القناة، قالي رقم كبير من أرباح القناة وأنا كنت باخد ملاليم صغيرة".

وأشار نور التوت، إلى أن حمو بيكا هو المسؤول أمام الشركة التي تعاقد معها لإدارة قناته عبر يوتيوب، ولم يكن مفوض من قبل أي شخص من أعضاء الفرقة، معقباً:"حمو أخويا الكبير وهو اللي مربيني من بعد أبويا وعيشت معاه وأنا صغير".

نور التوت: قناة حمو بيكا على اليوتيوب عاملة مليار و80 مليون 

وأوضح نور التوت، أن له أداء أصواتي في أغنية "وداع"، وحققت نسبة مشاهدة تخطت الـ 360 مليون مشاهدة، ولم يتقاضي سوى مبلغ ضعيف، في حين أن حمو بيكا حصل على مقابل مادي ضخم، موضحا: اكتشفت أني باخد ملاليم ومش برمي تهم على حد ولا طالع أخد تريند على حساب حد، والـ 200 ألف دولار دول قولتهم كده.. بس الرقم الحقيقي مش موجود والقناة عاملة مليار و 80 مليون مشاهدة".

نور التوت: حمو بيكا عملي محضر عشان بتكلم عن حقي

واستكمل نور التوت حديثه :"حمو بيكا قال أني أخدت منه فلوس وعملي محضر.. إيه اللي يثبت على كلامه، حمو كان ماسك كل حاجه وكنا بنسافر  مع بعض حفلات في تونس ومكنتش بعرف الأجر اللي بياخده وكان بياخد القبض بالدولار ويقبضنا بالمصري.. أنا عمري ما شوفت الدولار".

وأشار نور، إلى أنه أتصل على حمو بيكا هاتفياً، وقال له :"أنت بتعملي محضر علشان بتكلم عن حقي، أنا لو في حساب معاك هحاسبك بالقانون.. 11 سنة واكلين وشاربين ونايمين مع بعض".

نور التوت يفتح النار على حمو بيكا: هفضحك.. انا اتسرقت في 200 ألف دولار

بعد اتهامه بسرقة 100 الف دولار.. حمو بيكا يتقدم ببلاغ ضد نور التوت بتهمة السب والتشهير

نور التوت: بتمنى أشوف بيكا أحسن شخص وبدل ما يجيب "بورش" يجيب طيارة 

وأوضح "التوت"، أن حمو بيكا دائماً يعتبره بمثابة ابنه، وأنه تعرض لدمار كبير في حياته الشخصية، وهناك أشخاص كثيرون مقربون منهم تدخلوا لحل تلك الأزمة، وحمو بيكا يملك أموال كثيرة ولكنه يرفض رد أرباحه من قناة اليوتيوب.

واختتم نور التوت، حديثه قائلا:"معرفش موضوع عربية بيكا إذا كان  تريند ولا لأ.. ولكن أنا بتمنى لحمو أن ربنا يكرمه وأشوفه أحسن الناس وعمري ما هتمنى أشوفه في حاجه وحشة وبدل ما يجيب عربية بورش يجيب طيارة".