عصام صاصا مش مجرم.. مطربو المهرجانات يطلقون هاشتاج لدعم صديقهم في أزمته الأخيرة

حرص عدد من مطربي المهرجانات على دعم صديقهم عصام صاصا بطريقة خاصة، وذلك بعد اتهامه بدهس أحد الأشخاص على الطريق الدائري وانتشار أنباء تفيد ثبوت تعاطيه مواد مخدرة وسجنه 7 سنوات، ليقوم هؤلاء النجوم بإطلاق هاشتاج عصام صاصا مش مجرم والدفاع عنه بذكر محاسنه.

مطربو المهرجانات يطلقون هاشتاج عصام صاصا مش مجرم 

وكان من بين مطربي المهرجانات الذي دعم عصام صاصا بإطلاق هاشتاج عصام صاصا مش مجرم، هو الفنان حمو بيكا والذي نشر صورة الفنان على حسابه الرسمي بموقع تبادل الصور والفيديوهات انستجرام في منشور رصده موقع تحيا مصر وعلق عليه قائلا: " عصام صاصا  عمره في حياته ماكان موذي او شخص مش كويس وانا مش بكتب الكلام ده عشان اظيط في الظيطه ومش محتاج اظيط انا ك حمو بيكا انا اعرف الراجل ده من سنين ال سنين كمان.

حمو بيكا: اللي بيحصل مع عصام صاصا حاجة تقرف 

وتابع حمو بيكا حديثه، قائلا: عصام خبط واحد بعربيته قضاء و قدر ياريت بقي الناس بتاعت التيك توك والصحافين والناس اللي هي بتظيط دي متركبش المركب بالشقلوب و تفضل تقول كلام محصلش الراجل ده دلوقتي في محنه وفي اكتر مش شخص بيطلعوا يعملوا فيديوهات ملهاش اي تلاتين لازمه ملكمش الحق انكم تتكلموا وملكمش الحق انكم تطلعوا تجيبوا سيرتو ب اي حاجه انا شايف كميه فيديو ع التيك توك بجد حاجه تقرف حاجه تدل ع ان احنا شخصيات معندهاش مبداء و شخصيات مقرفه اي كان جريده اي او الصحفيين اللي بيمشوا بالتليفونات في اي حته دول انتم ملكمش الحق انكم تتكلموا في اي حاجه اصلا و مين اداكم الحق للكلام ده بس بجد انتو ابشع مما تتصورو.

حسبي الله هو رب العرش العظيم.. تعليق جديد من عصام صاصا حول أزمته

زوجة عصام صاصا: جوزي مش بيدوس الناس بفلوسه ومش هسمح بكلمة غلط تتقال عليه

واختتم حمو بيكا حديثه: الراجل مات و ده نصيبو الله يرحمو و يرحم جميع امواتنا لكن المزيدات ملهاش لازمه صدقوني و القانون والدوله هما الوحدين اللي ليهم الحق في الكلمه او في اي حاجه تخص الموضوع ياريت بقي نهدا ونبطل هري و نهدا كل شويه جريده تطلعلنا واحده مبتعرفش تتكلم تفضل تهري في الموضوع ..ربنا يرحم اللي مات برحمتو .. وربنا يرجعلنا عصام صاصا بالسلامة.

حودة بندق يدعم عصام صاصا 

وكان حودة بندق أيضا من بين الداعمين للمطرب عصام صاصا في محنته، حيث قام بتغير صورة البروفايل الخاص به بصورة عصام صاصا ومكتوب عليها "عصام صاصا مش مجرم"، وقال: كفايا تجريح وكلام وحش يجماعة والله عصام صاصا لو مش كويس كان جري أما خبطه وموقفش يستنى عربية الإسعاف، وكل يوم بتحصل الحوادث اللي زي دي على الطريق ومبنشوفش الهيصة دي.

وحرصت زوجة عصام صاصا أيضا على دعمه من خلال العديد من المنشورات التي تثبت براءته، مشيرة إلى أنها ستخرج اليوم وتدافع عن زوجها ومعها شهود من الحادث ولن تسمح بأي شائعات أخرى تقال عليه.