حسبي الله هو رب العرش العظيم.. تعليق جديد من عصام صاصا حول أزمته

لازالت قصة أزمة عصام صاصا بدهس لأحد الأشخاص على الطريق الدائري متصدرة محركات الأكثر بحثا على موقع جوجل الشهير وحديث مواقع التواصل الاجتماعي المختلفة، وذلك بعد إعادة فتح القضية مرة أخرى بسبب ظهور أدلة جديدة رغم أنه تم الإفراج عنه بدفع كفالة 30 ألف جنيها.

تعليق جديد من عصام صاصا حول أزمته

وفي أول تعليق من مطرب المهرجانات الشعبية عصام صاصا حول تلك الأزمة اكتفى بالتعليق على خاصية ستوري بموقع تبادل الصور والفيديوهات انستجرام في منشور رصده موقع تحيا مصر: "حسبي الله لا اله الا هو عليه توكلت وهو رب العرش العظيم".

أما عن زوجة عصام صاصا فكتبت منذ قليل هي الأخرى: عصام أكثر واحد عمره ما بيرد على كلام الناس، بس الطرف الثاني ربنا يصبرهم يا رب، الإعلام استغلهم وخلاهم يطلع يكلموا في وقت المفروض حد يقف جنبهم ويصبرهم، وخلاهم يكلموا وهما أصلا مكنوش في الواقعة، بيقولوا إن أخوهم كان واقف على رصيف غلط الكلام ده غلط ومن أول يوم وعصام قال أقواله في النيابة إن الراجل ظهر في نص الطريق.

زوجة عصام صاصا: النهاردة هطلع ادافع عنه ومهايا شهود 

وتابعت زوجة عصام صاصا حديثها: بما أن القضية بقت رأي عام وعصام كل دا مطلعش رد عشان الحالة اللي هو فيها متسمحش، بس التجاريح والإشاعات كترت وإحنا لينا الحق الرد، ولازم تسمعوا الحادثة من الطرفين قبل ما تحكموا.

واكدت جهاد، زوجة عصام صاصا: النهاردة أنا هطلع أدافع عن جوزي، وفي شهود في الحادثة هيطلعوا ويتكلموا، لأن الظلم حرام أنا جوزي مش بيدوس على ناس بفلوسه، أنا جوزي اللي كنت بتقولوا عليه سواق توك توك جابها من الصفر، برضه أحن قلب وأكثر واحد بيحس بالناس فأنا مش هسمح أن أي كلمة غلط تتقال عليه تاني.

زوجة عصام صاصا: جوزي مش بيدوس الناس بفلوسه ومش هسمح بكلمة غلط تتقال عليه

زوجة عصام صاصا: متحكمش عليه ومعانا شهود ان الحادثة قتل خطأ

إعادة قضية عصام صاصا بعد الإفراج عنه

جدير بالذكر، أنه كان قد تم القبض على عصام صاصا في فجر يوم الاثنين المنقضي بتهمة دهس أحد الأشخاص على طريق الدائري أثناء عودته من حفل غنائي وظل في الحبس والتحقيقات حتى عصر يوم الثلاثاء وانتهى الأمر بدفع عصام صاصا كفالة مالية قدرها 30 ألف جنيها ولكن بعد يومين أصدر أمرا بضبط وإحضار عصام صاصا مرة أخرى بعد إثبات الطب الشرعي بأنه كان يتعاطي مواد مخدرة قبل الحادث.