زوجة عصام صاصا: متحكمش عليه ومعانا شهود ان الحادثة قتل خطأ

ظهرت جهاد ماهر زوجة مطرب المهرجانات عصام صاصا عبر حسابها بموقع إنستجرام لترد على شائعات الحكم على زوحها عصام صاصا بالحبس لمدة 7 سنين وتعاطية للمخدرات.

جهاد ماهر: حاسة أن شوية وهطلعوه إرهابي وسارق فلوس الناس

كتبت البلوجر جهاد ماهر عبر حسابها بموقع تبادل الصور والفديوهات إنستجرام عبر خاصية الأستوري ورصدها موقع تحيا مصر، عن الإشاعات التي يتعرض لها زوجها مطرب المهرجانات عصام صاصا وانه تم الحكم عليه بـ 7 سنين سجن، وبيان تعاطية للمخدرات.

حيث قالت: "عصام مخدش 7 سنين ومفيش حكم اصلا، بتقولوا عصام كان شارب ومعرفش اي ولحد دلوقت نتيجة مظهرتش مكتوب فيها اي".

واضافت: "حاسة ان شوية وهطلعوه إرهابي وسارق فلوس الناس ولا علشان احنا مش بنرد، فا أنتوا بتظيطوا يالا نقول اي كلام مهو محدش هيطلع يكذبنا".

وأكدت على أنهم لن يسامحوا من قال عنهم أي كلمة، قائلة: "متقلقوش هانت كل واحد عمل فيلم من دماغه ميرجعش يزعل الحساب يجمع".

جهاد ماهر تأكد أن عصام صاصا يمر بازمة نفسية

وصرحت جهاد ماهر الحالة النفسية التي يمر بها زوجها مطرب المهرجانات عصام صاصا بسبب الحادث، حيث قالت: "عصام مش قادر يطلع من الأذى النفسي اللي هو فيه، افهموا دا وقدروه هو مش عاجز،ان هو يرد بس مش قادر مفيش طاقة".

واردفت: "معانا كل الإثباتات أن الحادثة قتل خطئ وفي شهود للحادثة، بس جوزي تعبان كل ما ييجي يتكلم مع حد يفتكر موقف ينعار ويعيط مش لازم بقى يطلع شوفوا يجماعة أنا مكسور ازاي، شفوني وانا مدمر".

وأختتمت حديثها بعتاب مما يحدث من الناس، قائلة: عيب عيب اللي بتعملوه ربنا نا يحطكم في اللي هو فيه".

راح وسابلي ٣ ولاد.. أول ظهور لزوجة الشاب اللي عصام صاصا خبطه

عاجل|عصام صاصا يواجه المصير بعد ثبوت «شرب المخدرات».. 7 سنوات تنتظر مطرب المهرجانات

تعليق مطرب المهرجانات عنبة على أزمة عصام صاصا

وفي نفس السياق، خرج مطرب المهرجانات عنبة وكتب عبر حسابه الرسمي قائلاً: أول حاجة إنا لله وإنا إليه راجعون، أنا طالع بقدم خالص التعازي لأسرة ضحية حادث عصام صاصا ربنا يرحمه ويصبركم، أنا حاسس بيكم لأن بنت عمي ماتت من 4 سنين أو أكتر وهي في زهرة شبابها وهي بتعدي برضه العربية خبطتها وجريت محدش وقف ليها.

وأردف عنبة: أنا عارف إن مفيش فلوس في الدنيا هتعوض ابنكم، ورسالتي لأهل الضحية أنا مش بلومكم في حاجة ربنا يصبركم موقف صعب أنتم مدمرين نفسيًا هنا وهو مدمرنفسيًا بس اللي عايزه أقوله هو مش بيخبط أي حد ومش بيدوس على الناس بفلوسه.

وأدلف: بلاش حد يفهمكم حاجة عن الراجل اللي أنتم مش شايفين حالته بسبب الحادثة دي، الله يرحم الشخص اللي مات، الناس اللي على النت طالعين بس عاملين ينتقدوا فيه ومحدش مهتم يدعى للراجل، وده اسمه استغلال وتريند أبوس أيديكم يا تعزوا الناس لتسكتوا أفضل.